მოდრიჩი: “ჩემი შედეგიანი თამაში კარგი ფიზიკური მომზადების დამსახურებაა”
ლუკა მოდრიჩი შესანიშნავ ფორმაშია. მადრიდის “რეალს” ფეხბურთელი მისი გუნდის ნახევარდცვის ბურჯია. მისი და კროოსის ტანდები, რომელსაც ზურგს კაზემირო უმაგრებს, კლუბის წარმატების ერთ-ერთი განმაპირობებელი ფაქტორია.
ხორვატმა ფეხბურთელმა მის ფიზიკურ კონდიციებზე ისაუბრა და აღნიშნა, რომ ჩემპიონთა ლიგის ბოლო მატჩებში მისი კარგი თამაში სწორედ ფიტნესმომზადების შედეგია.
“ამჟამად თავს მშვენივრად ვგრძნობ. ვცდილობ, ფიზიკურად მუდამ ფორმაში ვიყო, სწორედ ამის დამსახურებაა ის, რომ გაცემულ ავანსებს ვამართლებ და ამ დონეზე ვთამაშობ. ჩემპიონთა ლიგაზე რთული შეხვედრები ჩავატარეთ. ბედნიერი ვარ, რომ გუნდს სათანადოდ დავეხმარე. თუმცა, მთავარი ისაა, რომ ფინალში გავედით.”
“ატლეტიკოსთან” დაპირისპირების წინ ფიტნესს განსაკუთრებულ ყურადღებას ვუთმობდი. ამ ყველაფერმა შედეგი გამოიღო. იმედი მაქვს, გადამწყვეტ შეხვედრებში გუნდს სრულფასოვნად დავეხმარები,” – განაცხადა ლუკამ.
