მოდრიჩი “ინტერში” გადასვლის იმედს არ კარგავს

მადრიდის “რეალის” ნახევარმცველი ლუკა მოდრიჩი მილანის “ინტერში” გადასვლის იმედს არ კარგავს.

“ლა გაძეტა დელო სპორტის” თანახმად, ხორვატი ფეხბურთელი “სამეფო კლუბში” შექმნილი მდგომარეობით უკმაყოფილოა და წასვლაზე უჭირავს თვალი. წყაროს ცნობით, მოდრიჩმა აგენტს სთხოვა, რომ “ინტერში” შესაძლო ტრანსფერზე მუშაობა გააგრძელოს.

იტალიური გამოცემა წერს, რომ მიუხედავად ორმხრივი სურვილისა, “ინტერი” ზამთარში მოდრიჩს ვერ დაიმატებს, ამიტომ მხარეები შესაძლო ტრანსფერზე მუშაობას მომავალი წლის ზაფხულამდე გადადებენ.

შეგახსენებთ, რომ ლუკა მოდრიჩი მადრიდის “რეალში” 2012 წლის ზაფხულში გადავიდა. 32 წლის ნახევარმცველი მიმდინარე სეზონში ოთხი მატჩიდან სასტარტო შემადგენლობაში მხოლოდ ერთხელ მოხვდა.

უეფამ ლუკა მოდრიჩი 2017-2018 წლების გათამაშების საუკეთესო ფეხბურთელად დაასახელა.