მოდრიჩს გადასახადების დამალვისთვის თავისუფლების რვა თვით აღკვეთა მიუსაჯეს

მადრიდის “რეალის” ხორვატ ნახევარმცველს ბრალს გადასახადების დამალვისთვის სდებენ. El Mundo-ს მიერ მოპოვებული ცნობების თანახმად, 2013 წელს ამ უკანასკნელმა 290 ათასი ევრო არ გადაიხადა, 2014 წელს – 580 ათასი.

როგორც ცნობილი ხდება, მოდრიჩს რვა თვით თავისუფლების აღკვეთა და დამატებით 350 ათასი ევროს გადახდა მოუწევს. მოდრიჩი გადასახადებს თავს ლუქსემბურგში არსებული კომპანიის მეშვეობით არიდებდა. კომპანიის დირექტორი კი მისი ცოლი გახლავთ.

მოდრიჩმა უკვე გადაიხადა ჯარიმის ნაწილი. რა თქმა უნდა, მოდრიჩი ციხეში არ ჩაჯდება და ამის ნაცვლად საკმაოდ დიდი ოდენობის თანხას გადაიხდის.

შეგახსენებთ, რომ ესპანეთში იგივე პრობლემა ლეო მესის, კრიშტიანუ რონალდუსა და სხვა ვარსკვლავებსაც ექმნებათ.