“მოკეტე!” – ალეგრისა და მორატას დაპირისპირება “ჯენოასთან” მატჩში (ვიდეო)
5 დეკემბერს, იტალიის სერია A-ში “იუვენტუსმა” საკუთარ მოედანზე “ჯენოა” მიიღო და მეტოქე 2:0 დაამარცხა.
შეხვედრის 72-ე წუთზე ტურინელთა თავდამსხმელმა ალვარო მორატამ ყვითელი ბარათი მიიღო, ერთ წუთში კი მასიმილიანო ალეგრიმ ის შეცვალა.
მორატას მოედნიდან გასვლის შემდეგ, კამერებმა დააფიქსირეს, თუ როგორ უყვიროდნენ ის და გუნდის მთავარი მწვრთნელი ერთმანეთს. Goal.Com-ის ცნობით, ალეგრიმ ესპანელ ფეხბურთელს გაჩუმებისაკენ მოუწოდა.
ალეგრი: “უაზროდ დაჯარიმდი, უნდა მოკეტო!”
მორატა: “რა გავაკეთე?”
Morata vs Genoa | skills and goals highlights. #JuventusGenoa #Morata #Allegri pic.twitter.com/zcZA4El7Jf
— Luc ValSan (@LukValSan) December 5, 2021
ალეგრის კომენტარი
მატჩის დასრულების შემდეგ, ალეგრიმ DAZN-თან ინტერვიუში მომხდარზე კომენტარი გააკეთა.
“მან ყვითელი ბარათი მიიღო, რის შემდეგაც კამათს აგრძელებდა, ამიტომაც მერჩივნა, რომ შემეცვალა. სამწუხაროა, რომ ასე მოხდა. ალვარომაც და მთელმა გუნდმაც კარგად ითამაშა”, – განაცხადა 54 წლის სპეციალისტმა.
