მორატი: “დე ბური “ინტერში” რაღაც ახალის აშენებას ცდილობს”

“ინტერის” ყოფილი პრეზიდენტი, მასიმო მორატი თვლის, რომ მილანური გრანდის ახალი მწვრთნელი რაღაც ახალის შექმნას ცდილობს.

“დე ბური “ინტერში” რაღაც ახალის აშენებას ცდილობს. ვფიქრობ, რომ ამას დრო დასჭირდება . ამაზე კომენტარის გაკეთება ჯერ ნამდვილად ადრეა.” – განაცხადა მან “პალერმოსთან” ქულების გაყოფის შემდეგ (1-1).

“ვფიქრობ, რომ მას საკუთარი იდეოლოგიები და სტრატეგიები გააჩნია. რა თქმა უნდა, სწორი გზის საპოვნელად ტესტების ჩატარებაც მოუწევს.

მაქსიმალურად ვცდილობთ, რომ მწვრთნელს თავისი საქმის კეთებაში ხელი შევუწყოთ.” – განაცხადა “ნერაძურის” საპატიო პრეზიდენტმა , რომლის გუნდის შემდეგი მეტოქეც “პესკარა” იქნება.