მორიგი ევროშესარჩევი მოახლოვდა – 19-წლამდე ნაკრები შეკრებას იწყებს
4 ნოემბრიდან, საწვრთნელ შეკრებას დაიწყებს საქართველოს 19-წლამდე ნაკრები გუნდი. ვასილ მაისურაძეს და მის ფეხბურთელებს წინ უეფას 19-წლამდელთა ევროპის ჩემპიონატის საკვალიფიკაციო ეტაპის მატჩები ელით.
17-წლამდელთა ევროშესარჩევის მსგავსად, ამ საკვალიფიკაციო ეტაპის მასპინძელიც საქართველოა. ელიტრაუნდის საგზურის მოსაპოვებლად, ჩვენი 19-წლამდელები მე-11 ჯგუფში – ჰოლანდიის, უელსისა და მოლდოვას ნაკრებებთან ერთად იბრძოლებენ.
ჩვენი ნაკრები სასტუმრო „ბომონდ გარდენში“ იცხოვრებს და ყოველდღიურ ვარჯიშებს სფფ-ის ტექნიკურ ცენტრ „ბასაზე“ გამართავს. ამ ეტაპზე, ვასილ მაისურაძემ შეკრებაზე 24 ფეხბურთელი გამოიძახა, რომელთაგან, შესარჩევის დასაწყისისთვის 18 საუკეთესოს აარჩევს.
მეკარეები: ოთო გოშაძე, ბექა ქურდაძე (ორივე „საბურთალო“), ნიკა შერმადინი („მეტალურგი“, რუსთავი)
მცველები: ნიკოლოზ ჭანტურია, გიორგი გაბაძე (ორივე „ტორპედო“ ქუთაისი), ალექსანდრე გურეშიძე, გიგა სამხარაძე, ოთარ კაკაბაძე (ყველა „დინამო“ თბილისი), ჯემალ ტაბიძე („საბურთალო“), გიორგი გაფრინდაშვილი („დილა 2“, გორი)
ნახევარმცველები: ჭიაბერ ჭეჭელაშვილი, გიორგი პაპუნაშვილი (ორივე „დინამო“ თბილისი), გიორგი გოროზია, მათე ცინცაძე, ნიკოლოზ ახვლედიანი, ლუკა კიკაბიძე (ყველა „ტორპედო“ ქუთაისი), გიორგი აბურჯანია („დილა“, გორი), გიორგი თევზაძე („საბურთალო“), ლევან შენგელია („დილა 2“, გორი)
თავდამსხმელები: დავით ჯიქია, ალეკო მზევაშვილი (ორივე „ტორპედო“ ქუთაისი), ლუკა ზარანდია („ლოკომოტივი“, თბილისი), ილია კერძევაძე („დილა 2“, გორი), დავით დარციმელია („ალგეთი“, მარნეული)
საკვალიფიკაციო ეტაპის მატჩები 13 ნოემბრიდან დაიწყება.
სფფ-ის პრესსამსახური