მოსკოვის “ლოკომოტივის” ფანებმა სეზონის ფეხბურთელად კვირკველია აირჩიეს

მოსკოვის “ლოკომოტივის” ფანებს შორის დასრულდა გამოკითხვა, რომელსაც სეზონის საუკეთესო ფეხბურთელის ვინაობა უნდა გამოევლინა. გამოკითხვის გამარჯვებული ქართველი მცველი სოლომონ კვირკველია გახდა, რომელმაც ხმათა 32 პროცენტი მიიღო. მეორე ადგილზე გავიდა იგორ დენისოვი, რომელსაც 23 პროცენტმა დაუჭირა მხარი, ხოლო მესამე პოზიცია 16 პროცენტით ფარფანმა დაიკავა.

საბა კვირკველიამ 2017-2018 წლების სეზონში “ლოკომოტივის” რიგებში 41 მატჩი ჩაატარა, სამი გოლი გაიტანა და გუნდის გაჩემპიონებაში ლომის წილი დაიდო.

შეგახსენებთ, რომ 26 წლის ქართველი მცველით ინგლისის პრემიერლიგის ბინადარი “ლესტერ სიტი” გახლავთ დაინტერესებული და მხარეებს შორის მოლაპარაკება მიმდინარეობს.