მოურინიო ბეილს: “აქ დარჩენა გინდა თუ “რეალში” დაბრუნება და უთამაშებლობა?” (ვიდეო)

“ტოტენჰემ ჰოთსპურის” საკლუბი ტელეარხის ეთერში გუნდის ვარჯიშის ამსახველი ვიდეომასალა გავიდა. ვიდეოს ერთ-ერთ მონაკვეთში ისმის “დეზების” თავკაც ჟოზე მოურინიოს შემდეგ სიტყვები:

“აქ დარჩენა გინდა თუ “რეალში” დაბრუნება და უთამაშებლობა?”

პორტუგალიელმა სპეციალისტმა ამ სიტყვებით, სავარაუდოდ, გარეტ ბეილს მიმართა, რომელიც ლონდონურმა გუნდმა “რეალისგან” სეზონის ბოლომდე იჯარის წესით ინათხოვრა.

“ტოტენჰემის” ფანთა ნაწილი შესაძლებლად მიიჩნევს, მოურინიოს ეს ფრაზა მარცხენაფლანგელი მცველისთვის, რეგინოლისთვის ეთქვა, თუმცა ესპანელმა ფეხბურთელმა ინგლისური ენა ცუდად იცის და თან მან ინგლისურ კლუბთან სრულფასოვანი კონტრაქტი გააფორმა.

If you listen closely you can hear Mourinho say: “You want to stay here? Or go to Real Madrid and play no football.” pic.twitter.com/jjbPeDxG0p

— ً (@Asensii20) January 15, 2021