მოურინიო: “დამესიზმრა, რომ მეივეზერსა და მაკგრეგორს შორის ბრძოლა ნამდვილ ჩხუბში გადაიზარდა”

“მანჩესტერ იუნაიტედის” მთავარი მწვრთნელი ჟოზე მოურინიო გამოტყდა, რომ ფლოიდ მეივეზერსა და კონორ მაკგრეგორს შორის გასამართ ორთაბრძოლას ელოდება.

“დამესიზმრა, რომ ეს ბრძოლა კრივით დაიწყო და ნამდვილი ჩხუბით დასრულდა. ორთაბრძოლა ჩხუბში გადაიზარდა და ორივე მათგანმა რეალურად წარმოაჩინა საკუთარი უნარები. ამ ბრძოლას პირდაპირ ეთერში, სამწუხაროდ, ვერ ვუყურებ. ჩემთვის ძალიან გვიან დაიწყება. ძილი მჭირდება. დილით ვუყურებ”, – ციტირებს მოურინიოს სიტყვებს “სანი”.

შეგახსენებთ, რომ ფლოიდ მეივეზერსა და კონორ მაკგრეგორს შორის ბრძოლა 27 აგვისტოს, ლას ვეგასში გაიმართება და თბილისის დროით დაახლოებით დილის 8:00 საათზე დაიწყება.