მოურინიო: “დე ხეა მსოფლიოს საუკეთესო მეკარეა”
“მანჩესტერ იუნაიტედის” მთავარმა მწვრთნელმა, ჟოზე მოურინიომ “არსენალთან” ჩატარებული მატჩის (1-3) შემდეგ დავიდ დე ხეას შეაქო და აღნიშნა, რომ ის ამ დროისთვის მსოფლიოში საუკეთესოა.
“თამაშის შემდეგ მასთან მივედი და ვუთხარი, რომ დღეს მსოფლიოს საუკეთესო მეკარე ვიხილე მოედანზე. დიდ მატჩებში სწორედ ასეთი დე ხეა გვჭირდება.
ფენომენალური თამაში იყო. ძალიან მომეწონა ჩემი გუნდის მიერ ნაჩვენები პერფრომანსი. თუმცა, უნდა ავღნიშნო, რომ “არსენალმაც” საკმაოდ დიდი წინააღმდეგობა გაგვიწია თავისი შემტევი და ლამაზი ფეხბურთით.
მათი დავალება მარტივი იყო, როდესაც ბურთი მეტოქეს ექნებოდა, მთლიანად დაცვაზე უნდა გადავრთულიყავით, მათ შორის შემტევებიც. ხოლო, როდესაც ბურთი ჩვენს ხელში იყო, ყველას კონტრ-იერიშზე უნდა ეფიქრა.
რა თქმა უნდა, შეუძლიათ თქვან, რომ შანსები მათაც ჰქონდათ, მაგრამ ჩვენ ვიბრძოლეთ და უკეთესი მეკარეც გვყავდა. ამიტომაც მოვიგეთ,” – აცხადებს პორტუგალიელი სპეციალისტი მატჩის შემდეგ.
