მოურინიო “ლივერპულთან” მატჩზე: “ჩემთვის ეს უბრალოდ დიდი თამაშია”
უქმეებზე ფეხბურთის გულშემატკივარს ორი პრინციპული მეტოქის, “მანჩესტერ იუნაიტედისა” და “ლივერპულის” დაპირისპირებისთვის თვალის დევნების ბრწყინვალე საშუალება ეძლევათ. თუმცაღა მოურინიო უარყოფს რაიმე პირადი დატვირთვის არსებობას ამ მატჩისადმი.
“ჩემთვის ეს უბრალოდ დიდი თამაშია. მატჩი ორი ისტორიულ კლუბს შორის, რომლებიც მსოფლიოში ერთ-ერთი საუკეთესოები არიან. ახლა მეორე ადგილისთვის ვიბრძვით, რაც მესამე და მეოთხე ადგილებზე უკეთესია.
რა თქმა უნდა, გამარჯვება მინდა. ეს ტოპ-თამაშია, უმაღლესი დონის წინააღმდეგ. “ლივერპული” ის გუნდია, რომელიც ჩვენ უშუალო კონკურენტად გვეკუთვნის, რომელიც უკვე გავიდა ჩემპიონთა ლიგის 1/4-ფინალში. ჩემთვის ყოველი მატჩი პრინციპულია.
წინ სამი შეხვედრა გველის: “ლივერპულთან”, “სევილიასა” და “ბრაიტონთან”. თუ მათ შორის ყველაზე მნიშვნელოვანის ამორჩევას მთხოვთ, ამას ვერ შევძლებ,” – აცხადებს პორტუგალიელი სპეციალისტი.
