მოურინიო: “რეალმა” იმიტომ წააგო, რომ მადრიდელებს რაკიტიჩის მსგავსი ფეხბურთელი არ ჰყავთ”
მადრიდის “რეალის” ყოფილმა მთავარმა მწვრთნელმა, ჟოზე მოურინიომ 2 მარტს გამართული “ელ კლასიკოს” შემდეგ კომენტარი გააკეთა.
როგორც იცით, “ბარსელონამ” “რეალი” “სანტიაგო ბერნაბეუზე” ივან რაკიტიჩის გოლის წყალობით დაამარცხა. პორტუგალიელი სპეციალისტის თქმით, მადრიდელთა მარცხის მიზეზი ისაა, რომ გუნდს რაკიტიჩის მსგავსი ფეხბურთელი არ ჰყავს.
“რეალმა” იმიტომ წააგო, რომ გუნდს ივან რაკიტიჩის მსგავსი ფეხბურთელი არ ჰყავს. ჩემი აზრით, ის მსოფლიოს ყველაზე ნაკლებად დაფასებული ფეხბურთელია. შესაძლოა, ამის მიზეზი ისაა, რომ რაკიტიჩი ინსტაგრამს და მსგავს რაღაცებს დიდ ყურადღებას არ უთმობს. ვერასოდეს გავიგებ, რატომ იჩენენ “ბარსელონას” ფანები მის მიმართ ზიზღს”, – განაცხადა მოურინიომ beIN SPORTS-ის ეთერში.
The Special One breaks down @fcbarcelona's tactical set up and highlights how Rakitic can be the 🔑 to what they want to do in #ElClasico pic.twitter.com/cVcUaHOWfC
— beIN SPORTS USA (@beINSPORTSUSA) March 2, 2019
