მოურინიო: “რომ ვფიქრობდე, ტიტულისთვის ბრძოლა დასრულდა, ახლა დასასვენებლად ბრაზილიაში ვიქნებოდი”
“მანჩესტერ იუნაიტედმა” პრემიერ ლიგის მეთექვსმეტე ტურში “მანჩესტერ სიტისთან” საკუთარ მოედანზე წააგო და პირველადგილოსანს თერთმეტი ქულით გაუსწრო. ჟოზე მოურინიომ და თავისმა შეგირდებმა ხასიათის ცოტათი გამოკეთება “ბორნმუთის” მინიმალური ანგარიშით დამარცხების შემდეგ მოახერხეს.
პორტუგალიელმა სპეციალისტმა ჟურნალისტებთან საუბრისას განაცხადა, რომ მას კიდევ აქვს იმედი, ინგლისის ჩემპიონის ტიტული მოიპოვოს.
“სიტისთან” თამაში ძალიან მნიშვნელოვანი იყო. მათთან წაგება მტკივნეული გამოდგა. თუმცა შემდგომმა გამარჯვებამ გაგვამხნევა. “ბორნმუთი” რთული მეტოქე იყო. საკმაოდ დაძაბული მატჩიც გამოვიდა. მეორე გოლი რომ გაგვეტანა, ის საღამო უფრო მშვიდი იქნებოდა.”
“ბედნიერი ვარ, რომ სამი ქულა მოვიპოვეთ. მათ დასასვენებლად ჩვენზე ერთით მეტი დღე ჰქონდათ. თანაც, ჩემმა ბიჭებმა მენტალურად დიდი დატვირთვა მიიღეს “სიტისთან” თამაშში. ტიტულისთვის ბრძოლა მხოლოდ მაისში მთავრდება. ახლა რომ ეს მომხდარიყო, ბრაზილიაში ან ლოს ანჯელესში დასასვენებლად წავიდოდი. იმედი მაქვს, უკეთესი მომავლის,” – აცხადებს ჟოზე.
