მოურინიო: სუარესი წლის საუკეთესო ფეხბურთელი არ უნდა გამხდარიყო

ლონდონის “ჩელსის” მთავარმა მწვრთნელმა, ჟოზე მოურინიომ გამომწვევი განცხადება გააკეთა.

როგორც იცით, გასულ კვირას ლუის სუარესი, პრემიერ ლიგის წლის საუკეთესო ფეხბურთელად დასახელდა. ამაზე პორტუგალიელმა სპეციალისტმა განაცხადა, რომ უსამართლო გადაწყვეტილება იყო.

“ვფიქრობ, რომ წლის საუკეთესო ფეხბურთელი ედინ ჯეკო უნდა გამხდარიყო, რადგან ის სამართლიანი ფეხბურთელია. ბოსნიელი არ სიმულირებს არასდროს და მეტოქის გაგდებაზე არ თამაშობს.

ჩემი ხმა, სუარესისთვის არ მიმიცია”, – განაცხადა ჟოზე მოურინიომ.

შეგახსენებთ, რომ 2013-2014 წლების სეზონში ურუგვაელმა, პრემიერ ლიგაში 31 გოლი გაიტანა.