მოურინიო: „ვენგერი ჩავარდნების ექსპერტია, მას ტიტული რვა წელიწადია, რაც არ მოუგია“
![](https://fanebi.com/wp-content/uploads/2014/02/Wenger-Mourinho.jpg)
„ჩელსის“ მთავარი მწვრთნელი „არსენალის“ თავკაცის არსენ ვენგერის სიტყვებს გამოეხმაურა, რომელმაც განაცხადა, რომ „ლურჯები“ ინგლისის პრემიერ ლიგის მიმდინარე სეზონის გათამაშებაში საჩემპიონო ბრძოლაში დამარცხდებიან.
„რვა წელიწადი თასების გარეშე – დიდი ჩავარდნაა. ვენგერი ჩავარდნების ექსპერტია, მე – არა. იგი მართალია, როცა ამბობს, რომ მსგავსი ჩავარდნების მეშინია, რადგან ასეთი ცუდი პერიოდი მე არასდროს მქონია.
იმ შემთხვევაში, თუ „ჩელსისთან“ ერთად რვა წლის განმავლობაში ვერაფერს მოვიგებ, კლუბს დავტოვებ და არასდროს დავბრუნდები“, – განაცხადა ფეხბურთის პორტუგალიელმა სპეციალისტმა.
ალექსანდრე მატევოსოვი