მოურინიომ პრემიერლიგის ლიდერების შანსები შეაფასა
ლონდონის „ჩელსის“ მთავარმა მწვრთნელმა ჟოზე მოურინიომ ინგლისის პრემიერლიგის მიმდინარე გათამაშების ლიდერებისა და მისი გუნდის კონკურენტების შესახებ ისაუბრა.
„ლივერპულს“ არ აქვს შესაბამისი რესურსი იმისთვის, რომ პირველი ადგილი დაიკავოს, თუმცა მერსისაიდელები ევროთასებზე არ თამაშობენ და ეს სერიოზული უპირატესობაა.
„მანჩესტერ სიტის“ ყველაზე ძლიერი შემადგენლობა ჰყავს.
„მანჩესტერ იუნაიტედი“ თავისი მდიდარი ისტორიის გათვალისწინებით ყოველთვის ითვლებოდა ჩემპიონობის მთავარ ფავორიტად.
„ტოტენჰემ ჰოთსპურმა“ ზაფხულში მშვენიერი სატრანსფერო კამპანია აწარმოა და ახლა მათ ორი თანაბარი შემადგენლობა ჰყავთ.
რაც შეეხება „არსენალს“, აქ არსენ ვენგერის ფაქტორი უნდა გამოვყო, რომელიც ნაბიჯ-ნაბიჯ აშენებს კლუბის სისტემას. ჩემმა ყოფილმა ფეხბურთელმა მესუთ იოზილმა „არსენალი“ სერიოზულად გააძლიერა“, – მოურინიოს სიტყვები Goal.com-მა გამოაქვეყნა.
ბექა დოგრაშვილი
