მოურინიომ ვან დეიკის ტრანსფერის შემდეგ კლოპს მისი სიტყვები შეახსენა

ინგლისის პრემიერ ლიგაში კიდევ ერთი მეგა ტრანსფერი შედგა – “ლივერპულმა” “საუთჰემპტონს” ვირჯილ ვან დეიკის სანაცვლოდ 75 მილიონი ფუნტი გადაუხადა. “წითლების” ამ ტრანსფერს ჟოზე მოურინიოც გამოეხმაურა.

“ტრანსფერებში დახარჯულ თანხებზე საუბარი, ვფიქრობ, იურგენ კლოპს უყვარს. ერთ-ერთი თქვენგანი რომ ვიყო, აუციელბლად ვკითხავდი აზრს იმ კომენტართან დაკავშირებით, რომელიც დაახლოებით ერთი წლის წინ გააკეთა.

კონკრეტულად ვან დეიკის საქმეს არ ვეხები, რადგანაც “ლივერპულში” იმას აკეთებენ, რაც უნდათ და ვინ ვარ მე, კომენტარი რომ გავაკეთო ამაზე. დღევანდელ ფეხბურთში, უბრალოდ, ასე გვარდება ყველაფერი,” – აცხადებს პორტუგალიელი სპეციალისტი პრესასთან საუბრისას.

შეგახსენებთ, რომ 2016 წლის ივლისის თვეში კლოპმა საკმაოდ კრიტიკულად ისაუბრა:”სხვა კლუბებს თავისუფლად შეუძლიათ ფეხბურთელების ტრანსფერებში უფრო მეტი თანხა დახარჯონ. მაგრამ თუ ფეხბურთელს 100 მილიონად იყიდი და შემდეგ ის ტრავმას მიიღებს, მაშინ ყველაფერი თავდაყირა დგება. მე კი მინდა, საქმეს სხვაგვარად მივუდგე. ამ ოდენობის თანხის დახარჯვა რომ შემეძლოს, მაინც სხვაგვარად გავაკეთებდი ყველაფერს.”