მოურინიოს “რომას” რეორგანიზაცია სურს

“რომას” ახალი მთავარი მწვრთნელი, ჟოზე მოურინიო, გუნდში ძირეული ცვლილებების გაკეთებას გეგმავს. La Gazzetta dello Sport-ის ცნობით, მოურინიო ხელმძღვანელების მხრიდან სატრანსფერო ფანჯარაზე აქტიურობას ელის.

მეკარის პოზიციაზე ჟოზე მოურინიოს ხუან მუსოს (“უდინეზე”), რუი პატრისიუს (“ვულზი”) ან ჟოზე სას (“ოლიმპიაკოსი”) ხილვა სურს.

ცენტრალური მცველის პოზიციაზე კი ერიკ დაიერისა (“ტოტენჰემი”) და ნათან აკეს (“მანჩესტერ სიტი”) კანდიდატურები განიხილება. მარჯვენა ფლანგზე პორტუგალიელს ნელსონ სემედუს (“ვულვზი”) ან რიკარდუ პერეირას (“ლესტერი”) ხედავს.

ნახევარდაცვის ცენტრის გაძლიერების გზად ჟოზეს პიერ-ემილ ჰოიბერგის “ტოტენჰემიდან” გადაბირება ესახება. ასევე არ არის გამორიცხული “რომაში” ნემანია მატიჩის ან ხუან მატას ხილვა. ჟოზე ასევე მიესალმება “ლილის” რენატუ სანჩესის ტრანსფერს.

რაც შეეხება თავდამსხმელის პოზიციას, მოურინიო კარლოს ვინისიუსი (“ტოტენჰემის”), ისკოსა (“რეალი”) და ანვარ ელ-ჰაზის (“ასტონ ვილა”) მოწვევას გეგმავს.