მსოფლიოს ჩემპიონატზე განთესილი სპორტსმენების სია გამოქვეყნდა
21-26 აგვისტოს პარიზში გასამართი მსოფლიოს ჩემპიონატისათვის ჭიდაობის მსოფლიო გაერთიანებამ (UWW) განთესილი სპორტსმენების სია გამოაქვეყნა.
თითოეულ წონით კატეგორიაში ოთხ-ოთხი საუკეთესო მოჭიდავე რიო-2016-ის ოლიმპიური თამაშებზე, მსოფლიოს 2016-ის არაოლიმპიური ჩემპიონატზე და 2017 წლის კონტინენტურ პირველობებზე ნაჩვენები შედეგების მიხედვით განითესებიან.
მსოფლიოს ჩემპიონატზე განთესვის ისეთი სისტემა იქნება რომელიც უძლიერეს ფალავნებს ერთმანეთს ნახევარფინალში შეახვედრებს, პირველ და მეორე ნომრებად განთესილი სპორტსმენები ერთმანეთს ფინალამდე არ შეხვდებიან. მეოთხე ნომრები სატურნირო ბადეში პირველი ნომრების მხარეს მოხვდებიან, მესამეები კი მეორეების მხარეს, შესაბამისად მათი გზები ნახევარფინალში გადაკვეთება.
UWW-ს მიერ გამოქვეყნებულ “ტოპ-4”-ეულებში საქართველოს თავისუფალი სტილით ნაკრების 4 წევრი მოხვდა, საუკეთესო რეიტინგი აქვს ოლიმპიურ ჩემპიონ ვლადიმერ ხინჩეგაშვილს თუმცა იგი 57 კგ-შია პირველ ნომრად განთესილი, პარიზში კი 61 კგ-ში იასპარეზებს, სამწუხაროდ ამ წონაში ქართველი ოლიმპიური ჩემპიონი განთესილთა ოთხეულში ვერ მოხვდა, შეგასხენებთ რომ ხინჩეგაშვილმა ოლიმპიური თამაშები და მსოფლიოს ჩემპიონატი 57 კგ-ში მოიგო, ევროპის ჩემპიონატზე 61 კგ-ში გამარჯვებისთვის მიღებული ქულები ოთხეულში მოსახვედრა არ ეყო.
ზურაბ იაკობიშვილი (65) და გენო პეტრიაშვილი (125) პარიზში მეორე ნომრებად ხოლო ელიზბარ ოდიკაძე (97) მესამე ნომრად იქნება განთესილი, შესაბამისად იაკობიშვილის სავარაუდო მეტოქე ნახევარფინალში ოლიმპიური ჩემპიონი რუსეთის წარმომადგენელი სოსლან რამონოვი იქნება, პეტრიაშვილი (125) ფინალამდე არ შეხვდება მის მთავარ კონკურენტ ასევე ოლიმპიურ ჩემპიონ თურქ ტაჰა აკგულს, ნახევარფინალში კი სავარაუდო მეტოქე თანამემამულე სომხეთის სახელით მოასპარეზე ლევან ბერიანიძე იქნება. ფინალამდე ვერ შეხვდება ელიზბარ ოდიკაძე მის უმთავრეს კონკუნრეტ ოლიმპიურ ჩემპიონ კაილ სნაიდერს.
შეგახსენებთ რომ, საქართველოს თავისუფალი და ბერძნულ-რომაული ნაკრების მთავარ მწვრთნელებს ოფიციალურად ჯერ და დაუსახელებიათ მსოფლიოს ჩემპიონატზე წასაყვანი შემადგენლობები.
მსოფლიოს ჩემპიონატის განთესვა
57 კგ
1. ვლადიმერ ხინჩეგაშვილი 45
2. რეი ჰიგუჩი (იაპონია) 40
3. ჰაჯი ალიევი (აზერბაიჯანი) 35
4 ჰასან რაჰიმი (ირანი) 35
61 კგ
1. ახმედ ჩაკაევი (რუსეთი) 64
2. ლოგან ჯეფრი შტიბერი (აშშ) 62
3. ბეჰნამ ეშაგ ეჰსანპური (ირანი) 56
4. ანდრეი პერპელიტა (მოლდოვა) 55
65 კგ
1. ბორისლავ ნოვაჩკოვი (ბულგარეთი) 56
2. ზურაბ იაკობიშვილი 50
3. სოსლან რამონოვი (რუსეთი) 46
4. ფრანკლინ გომესი (პუერტო რიკო) 45
70 კგ
1. ჯეიმს მალკოლმ გრინი (აშშ) 58
2. მაგომედ ყურბანალიევი (რუსეთი) 53
3. მიხაილ სავა (მოლდოვა) 51
4. ნურლან ბეკჟანოვი (ყაზახეთი) 48
74 კგ
1. შონერ დემიტრაში (თურქეთი) 66
2. ბეკზოდ აბდურახმანოვი (უზბეკეთი) 53
3. ზელიმხან ხაჯიევი (საფრანგეთი) 51
4. ჰასან ალიაზამ იაზდანიჩარატი (ირანი) 44
86 კგ
1. სელიმ იაშარი (თურქეთი) 65
2. ალირეზა კარიმიმაჩიანი (ირანი) 53
3. პედრო სებალიოს ფუენტესი (ვენესუელა) 49
4. ზბიგნევ ბარანოვსკი (პოლონეთი) 45
97 კგ
1. კაილი ფრედერიკ სნაიდერი (აშშ) 64
2. მაგომედ იბრაგიმოვი (უზბეკეთი) 58
3. ელიზბარ ოდიკაძე 58
4. მაგომედ მუსაევი (ყირგიზეთი) 43
125 კგ
1. ტაჰა აკგული (თურქეთი) 72
2. გენო პეტრიაშვილი 58
3. ლევან ბერიანიძე (სომხეთი) 53
4. დანიელ ლიგეტი (უნგრეთი) 49
59 კგ
1. ისმაელ ბორერო მოლინა (კუბა) 44
2. შინობუ ოტა (იაპონია) 39
3. ელმურატ ტასმურადოვი (უზბეკეთი) 34
4. შტიგ-ანდრე ბერგე (ნორვეგია) 34
66 კგ
1. დავორ შტეფანეკი (სერბეთი) 76
2. ტარეკ აზიზ ბენაისა (ალჟირი) 40
3. მიგრან არუთუნიანი (სომხეთი) 38
4. არტემ სურკოვი (რუსეთი) 35
71 კგ
1. ბალინტ კორპასი (უნგრეთი) 93
2. ჰასან ალიევი (აზერბაიჯანი) 75
3. ალექსანდარ მაქსიმოვიჩი (სერბეთი) 74
4. პაველ ლიახი (ბელარუსი) 70
75 კგ
1. რომან ვლასოვი (რუსეთი) 45
2. ბინ იანგი (ჩინეთი) 44
3. მარკ ოვერგაარდ მადსენი (დანია) 40
4. ჰიეონვუ კიმი (სამხრეთ კორეა) 35
80 კგ
1. ასლან ატემი (თურქეთი) 72
2. ედგარ ბაბაიანი (პოლონეთი) 56
3. ჟონიბეკ ოტაბეკოვი (უზბეკეთი) 55
4. რამაზან აბაჩარაევი (რუსეთი) 52
85 კგ
1. ვიქტორ ლორინცი (უნგრეთი) 61
2. ნიკოლაი ბაირიაკოვი (ბულგარეთი) 57
3. დავით ჩაკვეტაძე (რუსეთი) 46
4. ჟან ბელენიუკი (უკრაინა) 41
98 კგ
1. არტურ ალექსანიანი (სომხეთი) 71
2. იასმანი დანიელ ლუგო კაბრერა (კუბა) 60
3. ბალას კიში (უნგრეთი) 50
4. ჩენკ ილდემი (თურქეთი) 34
130 კგ
1. რიზა კაიაალპი (თურქეთი) 69
2. ოლექსანდრ ჩერნეცკი (უკრაინა) 45
3. მიხაინ ლოპეს ნუნესი (კუბა) 44
4. საბაჰ შარიათი (აზერბაიჯანი) 34
საქართველოს ჭიდაობის ეროვნული ფედერაცია
