მსოფლიოს ყველაზე მაღალანაზღაურებადი სპორტსმენების რეიტინგი

ამერიკულმა ფინანსურ-ეკონომიკურმა ჟურნალმა “ფორბსმა” მსოფლიოს ყველაზე მაღალანაზღაურებადი სპორტსმენების ყოველწლიური სია გამოაქვეყნა. პირველი შემთხვევაა, როდესაც რეიტინგს სათავეში ფეხბურთელი უდგას. გასულ კალენდარულ წელიწადში მადრიდის “რეალის” ლიდერმა კრიშტიანუ რონალდუმ 88 მილიონი დოლარი გამოიმუშავა. ეს თანხა როგორც კლუბისგან მიღებულ ხელფასს, ასევე სასპონსორო შეთანხმებებს მოიცავს.

“ფორბსის” თანახმად, მსოფლიოს ყველაზე მაღალანაზღაურებადი სპორტსმენების ათეული ასე გამოიყურება:

• 1. კრიშტიანუ რონალდუ – 88 მლნ დოლარი;
• 2. ლიონელ მესი – 81,4 მლნ დოლარი;
• 3. ლებრონ ჯეიმსი – 77,2 მლნ დოლარი;
• 4. როჯერ ფედერერი – 67,8 მლნ დოლარი;
• 5. კევინ დურანტი – 56,2 მლნ დოლარი;
• 6. ნოვაკ ჯოკოვიჩი – 55,8 მლნ დოლარი;
• 7. კემ ნიუტონი – 53,1 მლნ დოლარი;
• 8. ფილ მიკელსონი – 52,9 მლნ დოლარი;
• 9. ჯორდან სპიტი – 52,8 მლნ დოლარი;
• 10. კობი ბრაიანტი – 50 მლნ დოლარი.