მსოფლიოს ყველაზე მაღალი ფეხბურთელები
დღევანდელ რეიტინგში მსოფლიოს ყველაზე მაღალ ფეხბურთელებს წარმოგიდგენთ.
პიტერ კრაუჩი, 201 სმ
ერთი შეხედვით მოუქნელ ფეხბურთელს საკმაოდ კარგი კარიერა გამოუვიდა, რომლის მიმდინარეობისას არაერთი ლამაზი გოლის გატანაც შეძლო. მართალია, კრაუჩს ინგლისის ნაკრებში აღარ იძახებენ, მაგრამ “სტოკ სიტისთვის” ის ერთ-ერთ ყველაზე მნიშვნელოვან ფიგურად რჩება.
ჟელკო კალაცი, 202 სმ
ავსტრალიელმა გიგანტმა მეკარემ ბუცევი ლურსმანზე ერთი წლის წინ ჩამოკიდა. კალაცის აქტიური საფეხბურთო კარიერა 24 წლის განმავლობაში გრძელდებოდა. ჟელკო ინგლისში, ჰოლანდიაში, იტალიაში, საბერძნეთში და მშობლიურ ავსტრალიაში თამაშობდა.
იან კოლერი, 202 სმ
მსოფლიო ფეხბურთის ერთ-ერთი ყველაზე ცნობილი გოლიათი. კოლერმა ბევრ ქვეყანაში ითამაშა, თუმცა ყველაზე კარგი პერიოდი დორტმუნდის “ბორუსიას” შემადგენლობაში ჰქონდა. ფორვარდი ჩეხეთის ნაკრების ერთ-ერთი წამყვანი მოთამაშეც იყო.
ნიკოლა ჟიგიჩი, 202 სმ
2000-იანების დასაწყისში ჟიგიჩმა “ცრვენა ზვეზდას” შემადგენლობაში გაიბრწყინა, სადაც სამ სეზონში 47 გოლის გატანა შეძლო და წამყავნი ლიგების ბინდართა ინტერესიც დაიმსახურა. სერბმა ესპანეთს მიაშურა, სადაც “ბეტისის”, “ვალენსიას” და “რასინგის” ღირსებას იცავდა. ამჟამად 34 წლის შემტევი “ბირმინგემში” ასპარეზობს.
ლასინა ტრაორე, 203 სმ
აფრიკელი ფორვარდი რუსეთში ასპარეზობის შემდეგ “მონაკომ” შეიძინა და მალევე “ევერტონში” გაანათხოვრა, სადაც მან საკმაოდ ნორმალური შთაბეჭდილება დატოვა.
კოსტელ პანტილიმონი, 203 სმ
საუკუნის დასაწყისში გიგანტური კიპერი რუმინეთის ჩემპიონატში გამოჩნდა, საიდანაც 8 წლის შემდეგ ინგლისში გადაბარგდა და “მანჩესტერ სიტისთან” გააფორმა კონტრაქტი. ამჟამად ის “სანდერლენდის” ფეხბურთელია.
ჟარკო მარკოვიჩი, 204 სმ
ყაზახური “ქაირათის” სერბ მცველ ჟარკო მარკოვიჩს განსაკუთრებული კარიერა არ აქვს, თუმცა გაბარიტებით ის ნამდვილად გამოირჩევა.
ტორ-ჰოგნე ოროი, 204 სმ
ორმეტრიანმა გიგანტმა კარიერის ძირითადი ნაწილი ნორვეგიაში გაატარა. 2011 წელს ფეხბურთელი იაპონიასი გაემგზავრა, თუმცა მალევე სამშობლოს დაუბრუნდა და “ოლესუნდის” მაისური მოირგო. გაზაფხულზე ოროი 38 წლის გახდება.
ვანია ივეშა, 205 სმ
37 წლის ხორვატი მეკარე თურქეთის მეორე ლიგაში “ელაზიღსპორის” ღირსებას იცავს. მიუხედავად ასაკისა ფეხბურთელი კარიერის დასრულებაზე ჯერჯერობით არ ფიქრობს.
იანგ ჩანგპენგი, 205 სმ
ჩინელი გოლიათი კარის დარაჯი ბელგიაში ასპარეზობს. 20 წლის ასაკში ის უკვე 205 სანტიმეტრია და შესაძლოა უახლოეს მომავალში რეიტინგის პირველ საფეხურზეც გადაინაცვლოს.
კრისტოფერ ვან ჰაუტი, 208 სმ
კრისტოფერი პლანეტის ყველაზე მაღალი ფეხბურთელია. მისი სიმაღლე 208 სანტიმეტრია. ბელგიელს სამშობლოში და ჰოლანდიაში უთამაშია, რის შემდეგაც ინდოეთში გაემგზავრა, სადაც “დელი დინამოს” ღირსებას იცავს.
