ნ’ზონზი “სიტისაც” მოუნდა

ესპანური გამოცემა, As-ი იტყობინება, რომ, “იუვენტუსისა” და “ჩელსის” შემდეგ, ანდალუსიის “სევილიას” საყრდენი ნახევარმცველი, სტივენ ნ’ზონზი “მანჩესტერ სიტისაც” სურს.

ფრანგი ნახევარმცველი 2015 წელს “სტოკ სიტიდან” გადავიდა ესპანურ გუნდში და წელიწად-ნახევრის მანძილზე ბევრი გრანდის ყურადღება მიიპყრო. უკვე ნახსენები კლუბების გარდა, ნ’ზონზი “ბარსელონასა” და “ლესტერსაც” სურს.

რაც შეეხება “სიტის”, გვარდიოლას გუნდში დაცვის მხრივ სიტუაცია არც ისე კარგადაა. ტრავმირებულია კომპანი და გიუნდოგანი. “სევილიას” ნახევარმცველი კი შესაძლოა, ორივე პოზიციაზე ნახსენები ფეხბურთელების იდეალური შემცვლელი აღმოჩნდეს.

“ქალაქელები” მარტივად ვერ შეიძენენ 28 წლის სპორტსმენს. თუნდაც ის უნდა აღვნიშნოთ, რომ “იუვემ” უკვე გააკეთა 26.5 მილიონიანი (ფუნტი) შეთავაზება.