ნაგელსმანმა განმარტა, თუ რატომ თქვა უარი “რეალში” მუშაობაზე

მიუნხენის “ბაიერნის” მთავარ მწვრთნელ იულიან ნაგელსმანს აქამდე არაერთხელ აღუნიშნავს, რომ მადრიდის “რეალში” მუშაობის შესაძლებლობა ჰქონდა. იულიანი თვლის, რომ წარსულში “რეალის” წინადადებაზე უარის თქმით სწორი გადაწყვეტილება მიიღო.

“ჰოფენჰაიმში” მუშაობა სრულად განსხვავებული რამ იყო ჩემთვის, როგორც ახალგაზრდა მწვრთნელისთვის. იქ ყველა მომუშავეს ვიცნობდი, შესაბამისად ადაპტაციის პროცესი სწრაფად გავიარე.

სრულად ახალ კლუბში გადასვლა კი ძალიან განსხვავებული რამ არის. სავსებით ბუნებრივია, რომ “ჰოფენჰაიმიდან” ნაბიჯის წინ გადადგმა მსურდა, თუმცა ეს უმაღლესი ნაბიჯი არ უნდა ყოფილიყო.

სად ვხედავ ჩემ თავს ხუთი წლის შემდეგ? იმედი მაქვს, რომ კვლავ “ბაიერნში” ვიქნები,” – აცხადებს ნაგელსმანი, რომელსაც “რეალის” თავკაცობა 2018 წელს კლუბიდან ზიდანის წასვლის შემდეგ შესთავაზეს.