“ნაპოლის” პრეზიდენტი: “რონალდუ “იუვენტუსის” ნამდვილი მწვრთნელია”

Corriere dello Sport-თან საუბრისას “ნაპოლის” პრეზიდენტმა, აურელიო დე ლაურენტისმა კრიშტიანუ რონალდუს “იუვენტუსის” რეალური მწვრთნელი უწოდა და მის ხასიათს გაუსვა ხაზი.

“კრიშტიანუ რონალდუ ძალიან ძლიერია, ის “იუვენტუსის” ნამდვილი მწვრთნელია. რა გააკეთა მწვრთნელმა ბოლო წლებში იმაზე მეტი, რაც რონალდუმ? ნამდვილი მოტივატორი სწორედ რონალდუა, გასახდელში ის ნამდვილი ლიდერია.

ეს კიდევ უფრო კარგად ჩანს ნაკრებში ყოფნისას. ყველანი ვხედავდით, რომ სათადარიგოთა სკამზე ყოფნისას ის მწვრრთნელზე მეტს ყვიროდა და გუნდსაც მართავდა.

ვნანობ თუ არა, რომ არ შევიძინე? უბრალოდ ვერ შევძელი. მშობლები ყოველთვის მასწავლიდნენ, რომ ყველამ შესაფერისი ნაბიჯი უნდა გადადგას. დასამტკიცებელი არავისთვის არაფერი მაქვს, რადგანაც 25 წლიდან მოყოლებული მუდამ წარმატებული ვარ,” – აცხადებს დე ლაურენტისი.