ნეიმარი საკუთარ მომავალთან დაკავშირებით განცხადებას აკეთებს

“პარი სენ-ჟერმენის” ბრაზილიელმა სუპერვარსკვლავმა, ნეიმარ ჟუნიორმა, “ბაშაქშეჰირის” კარში გაფორმებული ჰეთ-ტრიკის შემდეგ პრესასთან საკუთარ მომავალზე ისაუბრა.

“პარიზში თავს ძალიან ბედნიერად ვგრძნობ. ძალიან ბედნიერი ვარ ამ კლუბში ყოფნით და ასეთ თანაგუნდელებთან ერთად თამაშით.

კლუბის დატოვებაზე ფიქრი აზრადაც არ მომდის. ჩემი ამჟამინდელი კონტრაქტი განხილვის თემად რჩება. ჩვენ კარგი ურთიერთობა გვაქვს, ბედნიერი ვარ და მომავალი გვიჩვენებს, თუ როგორ განვითარდება მოვლენები,” – აცხადებს ნეიმარი.

როგორც იცით, თურქულ კლუბთან გამარჯვების შედეგად “პსჟ” ჯგუფის გამარჯვებული გახდა და ჩემპიონთა ლიგის პლეიოფში ითამაშებს.