ნეიმარი: “სულ მალე “ბარსელონასთან” ახალ კონტრაქტს გავაფორმებ”

ბრაზილიელმა ვარსკვლავმა, ნეიმარმა ჟურნალისტებთან ისაუბრა და განაცხადა, რომ მისი ბარსელონური კარიერით ძალიან კმაყოფილია; მეტიც! მას უნდა, რომ კატალონიურ კლუბთან მალე ახალი კონტრაქტი გააფორმოს.

“ზუსტი თარიღი არ ვიცი, მაგრამ გადაწყვეტილია, რომ გუნდთან ახალ კონტრაქტს მოვაწერ ხელს. ძალიან ბერდნიერი ვარ კლუბში არსებული პირობებით და იმ ქალაქით,სადაც ვცხოვრობ. ყველაფერი ისეა, როგორც ვოცნებობდი.”

“ყველაზე მეტად ის ატმოსფერო მაოცებს, რომელიც გუნდშია. ესაა განსაკუთრებული, მეგობრული გარემო. ჩვენ ყველა მეგობრები ვართ. სწორედ ამიტომ, “ბარსელონა” ერთიანი, შეკრული გუნდია, რაც, საბოლოოდ, წარმატების განმაპირობებელი ფაქტორი ხდება.”

“ვიცით, რომ ისტორიას დავწერთ. ამის გაკეთება კი მხოლოდ ერთად შეგვიძლია!” – განაცხადა 24 წლის სპორტსმენმა.