ნეიმარი: ‘ვერ მოგცემთ იმის უფლებას, ისაუბროთ იმაზე, რაც მოედნის მიღმა ხდება’
“პარი სენ-ჟერმენის” ერთ-ერთმა ლიდერმა ნეიმარმა უპასუხა იმ გულშემატკივართა იმ ნაწილს, რომელიც მას მოედნის მიღმა მომხდარი ამბების გამო ხშირად აკრიტიკებს.
“ხალხი ამბობს: “ნეიმარი საკუთარ თავზე არ ზრუნავს, ნეიმარი ასეთია, ნეიმარი ისეთია”. როგორ შეიძლება 12 წლის განმავლობაში საუკეთესოთა რიგებში იყო, თუ საკუთარ თავზე არ ზრუნავ? ეს არავის შეუძლია. ვიცი, როგორ მოვუარო თავს. მყავს საკუთარი ფიზიოთერაპევტი და ფიტნესის მწვრთნელი. პრაქტიკულად, ისინი 24 საათის განმავლობაში ჩემთან ერთად არიან. ეს უმიზეზოდ ხდება?
გასართობად მაშინ მივდივარ, როცა ვიცი, რომ მომდევნო დღეს ვარჯიში არ მაქვს. არ ვაპირებ ეს შევწყვიტო. რა პრობლემაა? შეგიძლიათ მაკრიტიკოთ იმისათვის, რასაც მოედანზე ვაკეთებ. ამაზე საუბრის უფლებას გაძლევთ, მაგრამ ვერ მოგცემთ იმის უფლებას, ისაუბროთ იმაზე, რაც მოედნის მიღმა ხდება”, – ციტირებს ნეიმარის სიტყვებს “მარკა”.
