ნეიმარს “იუნაიტედში” გადასვლა სურს?

არაა გამორიცხული, ახალგაზრდა ბრაზილიელი ნისლიან ალბიონზე გადაბარგდეს.

მოგეხსენებათ, ადრე გამოცემა The Sun იტყობინებოდა, რომ “მანჩესტერ იუნაიტედის” ხელმძღვანელობა მიმდინარე ზაფხულის სატრანსფერო ფანჯრის დახურვამდე ნეიმარის გადაბირებას გეგმავს, რადაც არ უნდა დაუჯდეთ მისი ტრანსფერი.

“წითელ ეშმაკთა” აღმასრულებელი დირექტორი ედ ვუდვორდი ბრაზილიელის შესაძლო ტრანსფერზე პირადად მუშაობს, ახლა კი ამასთან დაკავშირებით ახალი ცნობები ჩნდება.

Guardian-ის თანახმად, 23 წლის ნეიმარმა “ბარსელონას” ხელმძღვანელობას “იუნაიტედში” გადასვლის შესახებ მზადყოფნა გამოუცხადა. მან აღიარა, რომ უყვარს ინგლისური გრანდის მდიდარი ისტორია და ნიჭიერი სპეციალისტის, ლუის ვან გაალის მუშაობა.

აგრეთვე, მანჩესტერელები მზად არიან, მოლაპარაკებები ამ ზაფხულს დაასრულონ, ხოლო თავად ნეიმარი მომავალ წელს გაიფორმონ.