ნემანია ვიდიჩი თუ ვირჯილ ვან დაიკი? FIFA 21-ის პასუხი
“მანჩესტერ იუნაიტედისა” და “ლივერპულის” ფანებს შორის დაპირისპირებების არსებობა საფეხბურთო სამყაროსთვის სიახლეს არ წარმოადგენს. ბოლო დროს ბრიტანული გრანდების წარმომადგენლები ხშირად ადარებენ ერთმანეთს ვირჯილ ვან დაიკსა და ნემანია ვიდიჩს.
რა თქმა უნდა, ლეო მესისა და კრიშტიანუ რონალდუს მომხრეთა შორის არსებული დებატების მსგავსად, დაპირისპირული მხარეები საერთო აზრთან ვერც ამ შემთხვევაში მიდიან.
მსოფლიოს ერთ-ერთ ყველაზე პოპულარულ საფეხბურთო თამაშ FIFA 21-ში “მანჩესტერ იუნაიტედის” ყოფილი ვარსკვლავის ქარდიც დაემატა. ფანებმა მალევე შეამჩნიეს, რომ ფორმის პიკში მყოფი ნემანია ვიდიჩის რეიტინგი ისეთივე ქულითაა შეფასებული (90), როგორც ნიდერლანდელი ვირჯილ ვან დაიკი ამ დროის მონაცემებით.
როგორც იცით, FIFA 21-ში ფეხბურთელების რეიტინგს 29 განსხვავებული საფეხბურთო მონაცემი განაპირობებს. გთავაზობთ თუ როგორ შეაფასეს ზემოხსენებულ თამაშში ვირჯილი და ნემანია.
აღსანიშნავია, რომ ფიზიკურ მონაცემებში ნემანია ვიდიჩს აშკარა უპირატესობა აქვს. FIFA 21-ის შეფასებით, ვიდიჩს უკეთესი აჩქარება (75), მოძრაობის უნარი (66), ბალანსი (74), ნახტომი (92), რეაქცია (90), სტამინა (82) და სიძლიერე (93) აქვს. სპრინტის სიჩქარე კი ორივე მათგანს თანაბარი აქვს (79).
საპირისპიროდ, უკეთ არის შეფასებული ვირჯილ ვან დაიკი თამაშის შემდეგ კომპონენტებში: ბურთის კონტროლში (77), ჩაწოდებებაში (53), დრიბლინგში (70), მომენტების დაგვირგვინებაში (52), საჯარიმოების შესრულებასა (70) და ბურთის აჭრაში (60). თუმცა, თავით თამაშში უპირატესობა სერბ ფეხბურთელს აქვს (93).
გრძელ პასებში უპირატესობა ვან დაიკს აქვს (86), ისევე როგორც შორეულ დარტყმებსა (64) და მოკლე პასებში (79). ვიდიჩი მეტოქეს პენალტების შესრულებაში ჯაბნის (69), უფრო მაღალი აქვს დაცვაში თამაშის გამოცდილებაც (96).
რაც შეეხება დარტყმის სიძლიერესა და გადმოვარდნილ ბურთზე დარტყმას, ორივე ამ კომპონენტში ნიდერლანდელია დომინანტი (81) და (45). ვარდნით ბურთის ართმევის თვისებას ვიდიჩს უკეთ უფასებენ (88).
მენტალურ მახსიათებლებსაც მოგახსენებთ. აგრესიულობის კუთხით ნემანია ვიდიჩი გამოირჩევა (95), პოზიციის არჩევა ვან დაიკს უკეთ გამოსდის (47). მოედნის ხედვაც ნიდერლანდელს უკეთესი აქვს (65).
საერთო ჯამში, FIFA 21-მა ამ კითხვაზე პასუხის გაცემა კვლავაც ფანებს დაუტოვა, რადგანაც საბოლოო ანგარიში 14.5 – 14.5 გახლავთ.
