Netflix-ის აღიარება – ნონა გაფრინდაშვილმა ლაზიერი წაიღო
ნონა გაფრინდაშვილის ქართველმა ადვოკატმა მაია მწარიაშვილმა დღეს ჟურნალისტებისთვის პრესკონფერენცია გამართა და ამერიკაში სარჩელის განხილვის შესახებ ისაუბრა.
სასამართლოზე სერიალ “ლაზიერის გამბიტის” სცენარისტი და მთავარი პროდიუსერი, ფრენკ სკოტი გამოიკითხა.
“სკოტი იძულებული გახდა ეღიარეაბინა, რომ მან სერიალის გადაღებამდე იცოდა სიმართლე ნონა გაფრინდაშვილის მიღწევების შესახებ, რაც ადასტურებს “ნეფთლიქსის” მიერ მცდარი ინფორმაციის გავრცელებას.”
“ფრენ სკოტი გამოკითხვისას ძალიან აირია. უმრავლეს კითხვებს არ პასუხობა და ამბობდა, რომ არ იცოდა, შემდეგ მისი ადვოკატები ერთვებოდნენ და ცდილობდნენ სიტუაციის განმუხტვას. მან გარკვევით თქვა, რომ იცოდა ნონა გაფრინდაშვილის რეალურობის შესახებ. ძალიან აირია მის პასუხებში. Netflix სკოტის გამოკითხვის ჩვენება მათ მტკიცებულება სურდა გამოეყენებინა, თუმცა ახლა ჩვენ გამოვიყენებთ მას”- განაცხადა მწარიაშვილმა.
მწარიაშვილის თქმით, ამერიკულმა კომპანიამ საპასუხო შესაგებელი წარადგინა და ფიქრობენ, რომ გაფრინდაშვილის ღირსება და რეპუტაცია არ დაუზიანია. გარდა ამისა, “ლაზიერის გამბიტის” ისტორია გამოგონილია” და მაქსიმუმ რამდენიმე წლით აცდენაზე საუბრობენ.
ლეგენდარული მოჭადრაკე ნონა გაფრინდაშვილი ამერიკულ კომპანია Netflix-ს სასასამართლოში უჩივის და კომპანიისგან 5 მილიონს ითხოვს.
საქმე ეხება Netflix-ის მიერ გადაღებულ “ლაზიერის გამბიტს”, რომელიც 1983 წლის ნოველაზე არის დაფუძნებული. გამოგონილი პერსონაჟი ბეტი ჰარმონი, რომელიც ბავშვთა სახლში გაიზარდა, ამარცხებს რუსეთის საუკეთესო მოთამაშეებს 1960 წლის ცივი ომის დროს.
მაგრამ ერთი პრობლემაა, რომელსაც ნონა გაფრინდაშვილი აღწერს.
ბოლო ეპიზოდში, ჭადრაკის კომენტატორი ჰარმონზე ამბობს: “ერთადერთი უჩვეულო რამ მის შესახებ, არის მისი სქესი და ეს უნიკალური მაინც არ არის რუსეთში. იქ არის ნონა გაფრინდაშვილი, მსოფლიო ჩემპიონი, თუმცა კაცებს არასდროს შეხვედრია”.
ნონას ადვოკატი აღნიშნავს, რომ ეს ინფორმაცია არასწორია, გარდა ამისა სექსისტური და დამამცირებელია. 1969 წლისთვის, გაფრინდაშვილი 59 კაც მოჭადრაკესთან იყო შენახვედრი, მათ შორის, 10 დიდოსტატთან.
“Netflix-მა განძრახ მოიტყუა გაფრინდაშვილის შესახებ, რათა იაფფასიანი და ცინიკური დრამა შეექმნათ რეიტინგის ასაწევად. გარდა ამისა, გაფრინდაშვილი Netflix-მა რუსად მოიხსენია, როცა იცოდა, რომ ქართველი იყო და საქართველო რუსეთის დომინაციის ქვეშ იყო საბჭოთა კავშირის დროს”, – აცხადებს ადვოკატი.
