ნევილი გიგზს მხარს უჭერს
როგორც ვიცით წინა კვირაში მთავარი მწვრთნელის პოსტიდან გათავისუფლებული დევიდ მოიესის ნაცვლად, მთავარი მწვრთნელის სკამი დროებით რაიან გიგზმა დაიკავა. თუმცა “მანჩესტერ იუნაიტედის” ხელმძღვანელობა მის კანდიდატურას სერიოზულად არ განიხილავს, რადგან მას ჯერ გამოცდილება არ აქვს.
“მანჩესტერ იუნაიტედის” ყოფილი მცველი, გარი ნევილი ხელმძღვანელობას მოუწოდებს, რომ რაინ გიგზს დრო მისცენ და არა დროებით, არამედ ხანგრძლივ მწვრთნელად დანიშნონ.
მიუხედავად იმისა, რომ გულშემატკივრებსა და მოთამაშეებს შორის უელსელი ლეგენდა დიდი ავტორიტეტით სარგებლობს, “იუნაიტედის” ბოსებს მაინც სურთ მისი შეცვლა და შესაძლო კანდიდატებად ლუი ვან გაალი, კარლო ანჩელოტი, ლორან ბლანი და სხვები მოიაზრებიან.
გარი ნევილი თვლის, რომ “იუნაიტედს” ბრიტანელი მწვრთნელი სჭირდება და გიგზი ამ პოსტისთვის შესანიშნავი ვარიანტი იქნება.
“შაბათს კარგად დაიწყო და მოდით მივცეთ კიდევ ერთი-ორი მატჩი და ვნახოთ, როგორ შეეგუება ამ როლს და გაართმევს თუ არა თავს მას”
“მიიჩნევენ, რომ რაიანს გამოცდილება არ აქვს, მაგრამ ის კლუბს იცნობს. ასევე თვლიან, რომ ვან გაალს უდიდესი გამოცდილება აქვს, მაგრამ ის პრემიერ-ლიგას არ იცნობს.”
“ხელმძღვანელების გადასაწყვეტია, რაც სურთ. ჩემი აზრით მათ გამოცდილი ხელი სჭირდებათ, მაგრამ მე პირადად მსურს ბრიტანელი მწვრთნელი მოვიდეს, რადგან “მანჩესტერ იუნაიტედს” ყოველთვის ბრიტანელი წვრთნიდა. მოვიცადოთ და ვნახავთ.”
ნევილი, გიგზის ახლო მეგობარი შენიშნავს, რომ რამდენიმე მაგალითი არსებობს იმსა, თუ როგორ გაართვეს თავი გამოუცდელმა მწვრთნელებმა თავიან სამუშაოს, როცა მათ შანსი მისცეს.
“ჩვენს დროში არ არსებობს მწვრთნელის დანიშვნის მკაცრი წესები. რამდენიმე მწვრთნელი არსებობს, ვისაც მცირე გამოცდილება აქვს – პეპ გვარდიოლა, დიეგო სიმეონე, კენი დალგლიში თავის დროზე.”
ასევე ნევილი აღნიშნავს იმ მწვრთნელებსაც, ვისაც ერთი-ორი წარმატებული სეზონი ჰქონდა. მაგალითად ჟოზე მოურინიო, რომელმაც “ჩელსიში” წარმატებას მიაღწია, ამგრამ ვილაშ-ბოაშმა ვერა.
“სხვადასხვა მაგალითს ხედავთ იმისა, თუ როგორ ამართლებს ეს ხანდახან, ხანდახან კი ვერა. სანამ ვინმეს არ დანიშნავთ, ვერ იქნებით დარწმუნებული გაამართლებს იგი თუ არა.”
“ამ ხედვით ხალხი ამბობს, რომ რაიანს გმაოცდილება არ აქვს, მაგრამ ვან გაალის დანიშვნა გაამართლებს? არ ვიცით. ეს ხალხის მოწოდება კლუბის მიმართ.” – აცხადებს გარი ნევილი.
წყარო: მანჩესტერ იუნაიტედის ფანკლუბი საქართველოში – http://redarmy.ge/
