ნევილი: “მოურინიოს შედეგი არ ადარდებდა, “არსენალთან” მატჩის შემდეგ იღიმოდა”

“მანჩესტერ იუნაიტედის” ყოფილი მცველის, ფილ ნევილის თქმით, ჟოზე მოურინიოს “არსენალთან” გამართული მატჩის შედეგი დიდად არ ადარდებდა.

“ეს იყო მეხუთე და მეექვსე ადგილებზე მყოფი გუნდების დაპირისპირება, თუმცა მეცხრე-მეათე ადგილოსნების უინტერესო თამაშს უფრო ჰგავდა, როდესაც შედეგს არანაირი მნიშვნელობა არ აქვს.

დიახ, “არსენალმა” მოიგო და “იუნაიტედის” დაუმარცხებელი სერიაც დაასრულა, მაგრამ ეს არავის აინტერესებდა – მათ შორის ჟოზე მოურინიოსაც.

13 წლის მცდელობის შემდეგ, ვენგერმა პირველად დაამარცხა მოურინიო ტურნირის მატჩში. თუმცა, მოურინიო ამაზე სულაც არ ფიქრობდა. პირველად ვნახე ასეთი მოდუნებული და მომღიმარი მატჩის შემდეგ,” – აცხადებს ნევილი.