ნიკოლოზ ბასილაშვილი: “დავისვენებ და ევროპისთვის მოვემზადები”

პეკინის მასტერსის გამარჯვებულმა, მსოფლიოს 23-ე ჩოგანმა, ქართველმა ნიკოლოზ ბასილაშვილმა რთულ ბრძოლაში მე-5 ჩოგანთან, ალექსანდრ ზვერევთან 5-7, 4-6 წააგო და შანხაის მასტერს გამოეთიშა. ბასილაშვილი ზვერევს ღირსეულად ეთამაშა და ბევრ მომენტში მასზე გაცილებით უკეთ გამოიყურებოდა. ბასილამ წაგების შემდეგ გულშემატკივარს მიმართა.

“მადლობა მინდა გადაგიხადოთ ყველას მხარდაჭერისთვის და ასეთი თბილი წერილებისთვის. დიდებული 2 კვირა მქონდა ჩინეთში, ცოტას დავისვენებ და სეზონის ბოლო ორი ევროპული ტურნირისთვის მოვემზადები”, – დაწერა ნიკამ.

29 ოქტომბერს პარიზის მასტერსი დაიწყება და გათამაშების საპრიზო ფონდი 4 მილიონ ევროზე მეტია. ბასილაშვილს წლის ბოლომდე მხოლოდ 35 ქულის დაცვა მოუწევს.