ნოემბრის კალენდარიც ცნობილია

თარიღი: მარტი 24, 2016

2016 წელს ბორჯღალოსნებს ექვსი ტესტი ელით. წარმატებული მსოფლიო თასის შემდეგ არ შეწყვეტილა საუბარი იმის, შესახებ, რომ ბორჯღალოსნებს უწყვეტი განვითარებისთვის ესაჭიროებათ მეტი ტესტის გამართვა ძლიერი მეტოქეების წინააღმდეგ, იქნება ეს მეორე თუ პირველი დონის ნაკრებებთან. აქამდე თუ ტესტ სერიას საქართველოს ნაკრები მხოლოდ შემოდგომობით თამაშობდა, წელს ზაფხულის სერიაშიც მივიღებთ მონაწილეონას.

გუშინ მსოფლიო რაგბმა ივნისის ტესტ სერიის რკენები გამოაცხადდა, რომლის მიხედვით ზაფხულის ტესტებზე საქართველოს ნაკრები ოკეანეთში გაემგზავრება, სადაც სამოას, ტონგასა და ფიჯის ვეთამაშებით. პირველად ბორჯღალოსნები სამოას ესტუმრებიან და მანუს 11 ივნისს ერკინებიან. შემდეგი ორი მატჩისთვის კი ფიჯიზე გადავალთ, სადაც 18 ივნისს ტონგას, ხოლო 25 ივნისს მასპინძელ ფიჯის ვეთამაშებით. ამ ეტაპზე მატჩის დროები და სტადიონები დგინდება.

ნოემბერში 2 შინ და 1 გასვლაზე

წლის დასაწყისში გახდა ცნობილი იმის შესახებ, რომ ნოემბრის ტესტ სერიის ბოლო მატჩს, 26 ნოემბერს გასვლაზე შოტლანდიის წინააღმდეგ გავმართავთ. აღსანიშნავია, რომ ეს იქნება პირველი შემთხვევა როდესაც შოტლანდიას მსოფლიო თასს გარეთ ვეთამაშებით. დღეს უკვე დადასტურებით შეგვიძლია დავასახელოთ ნოემბრის სერიის კიდევ ორი მეტოქე, რომლებსაც შინ მივიღებთ:

12 ნოემბერს ბორჯღალოსნები 2015 წლის მსოფლიო თასის ერთ-ერთ ყველაზე გამორჩეულ და სწრაფად პროგრესირებად გუნდს, იაპონიის ნაკრებს ერკინებიან.

ბორჯღალოსნები და სარაგბო სამყაროში ‘ალუბლებად’ ცნობილი იაპონელები ბოლოს 2015 წელს, მსოფლიო თასამდე გასახურებელ საკონტროლო მატჩში შეებნენ გლოსთერში. მატჩი იაპონელთა გამარჯვებით 13:10 დასრულდა. მანამდე იყო 2014 წლის საშემოდგომო ტესტ სერია, რომელშიც მეტოქეს მესხის სტადიონზე ვუმასპინძლეთ და 35:24 ვძლიეთ. ამის გარდა იაპონელებს კიდევ ორჯერ ვეთამაშეთ – პირველად 2006 წელს ოსაკაში (7:32), ხოლო პირველად საქართველოში ამომავალი მზის ქვეყნის ნაკრებს 2012 წლის 17 ნოემბერს ვუმასპინძლეთ და დრამატულ მატჩში 22:25 დავთმეთ.

18 ნოემბერს, 2013 წლის შემდეგ პირველად შინ ‘მანუ სამოას’ (გულადი სამოა) მივიღებთ. შეგახსენებთ, რომ მანამდე ივნისის ტესტებზე სამოას ვესტუმრებით. შესაბამისად მეტოქესთან 2 მატჩიანი სერია გამოგვივა.

საქართველოს და სამოას აქამდე ორჯერ ურაგბიათ. პირველად გუნდები, ბორჯღალოსნებისთვის სადებიუტო, 2003 წლის მსოფლიო თასზე შეხვდნენ და მატჩი კუნძულელთა გამარჯვებით 46:9 დასრულდა. მეორედ მანუს თბილისში, მესხის სტადიონზე 2013 წლის 23 ნეომბერს, გიორგობას ვეთამაშეთ. სტადიონზე შეკრებილთ ემახსოვრებათ თუ რაოდენ დრამატული და დაძაბული ბურთაობა გაიმართა – შეხვედრა ლამისაა ქულა-ქულაში მიდიოდა. საბოლოოდ კი ბორჯღალოსნებმა მეტოქეს 16:15 სძლიეს.

ტესტები 2016 – პრესკონფერენცია

კომენტარებით: გოჩა სვანიძე და ლევან მაისაშვილი

გოჩა სვანიძე და ლევან მაისაშვილი ივნისის და ნოემბრის ტესტების …

#ნოემბრისტესტებიდღეს, 24 მარტს შევარდენზე საქართველოს რაგბის კავშირის პრეზიდენტმა, გოჩა სვანიძემ და ბორჯღალოსანთა მწვრთნელმა, ლევან მაისაშვილმა პრესკონფერენცია გამართეს, რომელზეც მათ დაასახელეს წლევანდელი ტესტების განრიგი.ივნისის ტესტები: გასვლაზე ოკეანეთში #სამოას (11 ივნისი), #ტონგასა (18 ივნისი) და #ფიჯის (25 ივნისი) წინააღმდეგ.ნოემბრის ტესტები: შინ #იაპონია (12 ნოემბერი), #სამოა (18 ნოემბერი) გასვლა #შოტლანდია (26 ნოემბერი)ვრცლად კომენტარებით გოჩა სვანიძე და ლევან მაისაშვილი

Posted by საქართველოს რაგბის კავშირი / Georgian Rugby Union (Official) on Thursday, 24 March 2016

ტესტების განრიგი დღეს, შევარდენის სანაკრებო ბაზაზე გამართულ პრესკონფერენციაზე საქართველოს რაგბის კავშირის პრეზიდენტმა გოჩა სვანიძემ და ბორჯღალოსნების მწვრთნელმა ლევან მაისაშვილმა ოფიციალურად დაასახელეს.

„ოფიციალურად შეგვიძლია გავაჟღეროთ, რომ წელს რაგბის გულშემატკივრებს დიდი სიამოვნება, ხოლო ნაკრებს გამოცდა ელის. ზაფხულსა და შემოდგომაზე ექვსი მაღალი დონის ტესტ-მატჩი გველის – ივნისში ოკეანეთში მივდივართ, ნოემბერში თბილისში ორი თამაში გვაქვს და წელიწადს პირველი დონის შოტლანდიასთან ჯახით დავასრულებთ. ეს უდიდესი გამოწვევაა. „ჩერჩილის თასის“, ბუქარესტისა და თბილისის თასების შემდეგ, ოკეანეთში მგზავრობა ჩვენთვის გაცილებით დიდი შედეგის მომტანი იქნება. ეს ტესტ მატჩები „მსოფლიო რაგბის“ დამსახურებით გვერგო და მათი უზომოდ მადლიერი ვარ“ – პრესკონფერენციის დასაწყისში განაცხადა გოჩა სვანიძემ.

მომავალი მატჩების მნიშვნელობაზე ისაუბრა ბორჯღალოსანთა ერთ-ერთმა მწვრთნელმა ლევან მაისაშვილმა:

„მნიშვნელოვანი ფაქტია ის, რომ ერთი წლის განმავლობაში ამდენი სერიოზული ტესტ-მატჩი აქამდე არასდროს გვქონია. „ერთა თასი“ ჩვენს გამოწვევას ვეღარ პასუხობს და ნებისმიერ შემთხვევაში, რა შედეგითაც უნდა დასრულდეს ეს შეხვედრები, სერიოზული პროგრესი გვექნება. კარგია, თუ ივნისის ტესტ-მატჩებისთვის ყველა იმ მოთამაშის გამოძახებას შევძლებთ, ვისაც შემადგენლობაში მოვიაზრებთ.

მომავალი შეხვედრების ფასი ძალიან დიდი იქნება. ამ ეტაპზე ახალგაზრდების გამოცდაც მოხდება, მაგრამ კუნძულებზე გავემგზავრებით გამოცდილი და ახალგაზრდა მორაგბეების ნაზავი გუნდით. შესაძლოა, ვინმე ივნისის ტესტ-მატჩებისთვის შემადგენლობაში არ იყოს, მაგრამ მინდა ხაზგასმით აღვნიშნო, ოთხწლიან ციკლში შანსს ყველა ის მოთამაშე მიიღებს, ვინც ამას დაიმსახურებს. მომავალ ტურნეზე გამოცდილი მორაგბეების როლი უდიდესი იქნება. ერთბაშად მთელი გუნდის შეცვლა ვერ მოხდება. ამასთან, 20-წლამდელთა ნაკრებს ზედიზედ ორი წლის განმავლობაში უმნიშვნელოვანესი ტურნირები ელის – ასაკობრივი მსოფლიო თასი, რომელიც მეორე ადგილზეა კაცთა მსოფლიო თასის შემდეგ. მათ ილია მაისურაძე დააკვირდება და მასთან კონსულტაციით გადავწყვეტთ ვინ ამოვწიოთ პირველ გუნდში“.

შემადგენლობაზე

„კლუბებთან მოთამაშეების გამოშვებაზე ჯერ არ გვისაუბრია. მწვრთნელებმა უნდა გადაწყვიტონ ვისზე შეაჩერებენ არჩევანს, გავითვალისწინებთ ჩვენი მოთამაშეების ინტერესსაც, თორემ კლუბებზე საკითხავი არაფერი გვაქვს. ეს ოფიციალური სანაკრებო ფანჯარაა და კლუბს მოთამაშის შეზღუდვის უფლება არ აქვს. მინდა განვაცხადო, რომ არასდროს, არცერთ მოთამაშეს, კლუბის ინტერესები ნაკრების ინტერესებზე მაღლა არასდროს დაუყენებია და დარწმუნებული ვარ ასე იქნება მომავალშიც“ – თქვა სვანიძემ

მომავალ მეტოქეებზე

ლევან მაისაშვილი: „სამოა და ტონგა დამარცხებული გვყავს, მაგრამ ამით მცდარი წარმოდგენა არ უნდა შეგვექმნას. კუნძულელებს მსოფლიოს ნებისმიერი გუნდი ანგარიშს უწევს და თუ არ გაუწევს, აუცილებლად დამარცხდება, რაც არაერთხელ მომხდარა. ნებისმიერ დროს, თუ სათანადოდ არ მოემზადე, მათთან თამაშს ვერ მოიგებ. ჩვენს შემთხვევაში ბევრი რამ იმაზეც იქნება დამოკიდებული, თუ რა შემადგენლობით მოვახერხებთ ტურნეზე გამგზავრებას. თუმცა, რა თქმა უნდა, მოგებაზე ვიქნებით ორიენტირებული.

„არაერთხელ მითქვამს, რომ რაგბიში ჩემთვის წარმატების ფორმულაა – ნიჭს + შრომისმოყვარეობა. იაპონია სწორედ შრომისმოყვარეობის მაგალითია. თუ წლების წინ მათ ერთ-ერთი სუსტი შერკინება ჰყავდათ, მსოფლიო თასზე ამ შრომისმოყვარეობის ხარჯზე სამხრეთ აფრიკას რიგ ეპიზოდებში აჯობეს კიდეც. ესაა წესრიგის და დისციპლინის ეტალონი გუნდი.

„შოტლანდიასთან თამაში ჩვენთვის დიდი პატივია. ესაა ტრადიციული გუნდი, რომელიც ვერნ კოტერის ხელში მნიშვნელოვნად გაუმჯობესდა და ნებისმიერი მეტოქისთვის სახიფათოა. მაქსიმუმს გავაკეთებთ, რათა მათ წინაშე ღირსეულად წარვსდგეთ“.

გოჩა სვანიძე: „შოტლანდია ყველაზე ძლიერი მეტოქეა იმ გუნდებს შორის, რომლებსაც წელს ვეთამაშებით. თუ სხვა თამაშებში მწვრთნელებს ახალგაზრდების გამოცდის და ექსპერიმენტების საშუალება ექნებათ, აქ ოპტიმალური შემადგენლობით უნდა ვითამაშოთ“.

Rugby.GE

მსგავსი სიახლეები
რაგბი

საქართველოს ნაკრები ქომაგებს იაპონურად დაემშვიდობა (ვიდეო)

11 დეკემბერს საქართველოს მორაგბეთა ნაკრებმა იაპონიაში მიმდინარე 2019 წლის მსოფლიო თასზე ბოლო მატჩი გამართა. “ბორჯღალოსნები” […]...
წაკითხვა
რაგბი

მერაბ შარიქაძის ემოციური სიტყვები მილტონ ჰეიგს (ვიდეო)

საქართველოს მორაგბეთა ნაკრების კაპიტანმა, მერაბ შარიქაძემ 2019 წლის მსოფლიო თასზე გამართული ბოლო შეხვედრის შემდეგ მილტონ […]...
წაკითხვა
რაგბი

მერაბ შარიქაძე: “იმედი მაქვს, მომდევნო მსოფლიო თასზე უკეთესად გამოვალთ”

საქართველოს მორაგბეთა ნაკრების კაპიტანმა, მერაბ შარიქაძემ 2019 წლის მსოფლიო ჩემპიონატზე გამართული ბოლო მატჩის შემდეგ კომენტარი […]...
წაკითხვა
რაგბი

სანდრო თოდუას ლელო ავსტრალიის ნაკრების წინააღმდეგ (ვიდეო)

იხილეთ ვიდეო Go Georgia 😂 wow….! #AUSvGEO #RugbyWorldCup pic.twitter.com/wr3p7ZspCx — -🇦🇺🇺🇸🇦🇺- (@Frolencewalters) October 11, 2019...
წაკითხვა
რაგბი

გელა აფრასიძის მძიმე დაზიანება ავსტრალიასთან მატჩში (ვიდეო)

მსოფლიო თასზე, საქართველოსა და ავსტრალიის მორაგბეთა ნაკრებებს შორის მიმდინარე მატჩის 51-ე წუთზე გელა აფრასიძემ მოედანზე […]...
წაკითხვა
რაგბი

მილტონ ჰეიგი: “ეს არის ერთ-ერთი ყველაზე გამოცდილი შემადგენლობა, რომლის დაყენებაც შეგ

11 ოქტომბერს ავსტრალიასთან შიზუოკაში გასამართი მატჩისთვის შემადგენლობის დასახელების შემდეგ, ბორჯრალოსნებმა ჯაბა ბრეგვაძემ, სოსო მათიაშვილმა და [&helli...
წაკითხვა
რაგბი

საქართველოს ნაკრების შემადგენლობა ავსტრალიის წინააღმდეგ

ბორჯღალოსნების სამწვრთნელო შტაბმა 2019 წლის მსოფლიო თასის დასკვნითი შეხვედრისთვის 23-კაციანი შემადგენლობა დაასახელა. ჩვენი გუნდი 11 […]...
წაკითხვა
რაგბი

მერაბ შარიქაძე: “ყველა მოთამაშეს და განსაკუთრებით მე, გვრცხვენია”

2019 წლის მსოფლიო თასზე ბორჯღალოსნები დასკვნით შეხვედრას 11 ოქტომბერს, საქართველოს დროით 14:15 საათზე ავსტრალიის წინააღმდეგ […]...
წაკითხვა
რაგბი

მერაბ შარიქაძე: “გულშემატკივრებს ბოდიშს ვუხდი”

საქართველოს მორაგბეთა ნაკრების კაპიტანმა, მერაბ შარიქაძემ ფიჯისთან განცდილი მარცხის (10:45) შემდეგ კომენტარი გააკეთა და ქართველ […]...
წაკითხვა
რაგბი

მამუკა გორგოძის ლელო ფიჯის წინააღმდეგ (ვიდეო)

იხილეთ ვიდეო A couple of stunning stereotypical #Fiji tries are countered by the most Mamuka […]...
წაკითხვა
რაგბი

ურუგვაელი მორაგბე საქართველოს ნაკრებთან მატჩში მომხდარის გამო 3-მატჩიანი დისკვალიფიკაციით

ურუგვაის ნაკრების ბურჯი, ფაკუნდო გატასი სამმატჩიანი დისკვალიფიკაციით დასაჯეს. ურუგვაელმა მორაგბემ 29 სექტემბერს საქართველოს წინააღმდეგ გამართულ [&hell...
წაკითხვა
რაგბი

საქართველოს ნაკრების შემადგენლობა ფიჯის წინააღმდეგ

საქართველოს მორაგბეთა ნაკრების სამწვრთნელო შტაბმა 2019 წლის მსოფლიო თასზე ფიჯისთან გასამართი შეხვედრისათვის შემადგენლობა დაასახელა. ფიჯისთან […...
წაკითხვა
რაგბი

სახალისო ვიდეო: მილტონ ჰეიგი ურუგვაისთან მატჩის მიმდინარეობისას (ვიდეო)

საქართველოს მორაგბეთა ნაკრების მწვრთნელ მილტონ ჰეიგისათვის ურუგვაისთან გამართული მატჩი რთული გამოდგა იმ თვალსაზრისით, რომ მას […]...
წაკითხვა
რაგბი

რაგბის მსოფლიო თასის ორგანიზატორებმა საქართველოს ბოდიში მოუხადეს

რაგბის მსოფლიო თასის ორგანიზატორებმა ქართულ მხარეს ურუგვაისთან მოგების შემდეგ სტადიონზე ჩართული რუსული სიმღერის გამო ბოდიში […]...
წაკითხვა