ნურმაგომედოვი მზადაა UFC დატოვოს – ხაბიბი განცხადებას ავრცელებს
ხაბიბ ნურმაგომედოვმა სოციალურ ქსელში განცხადება განათავსა. დაღესტნელი მებრძოლი UFC-ის გადაწყვეტილებას გამოეხმაურა და განაცხადა, რომ ის ამ ორგანიზაციის დასატოვებლად მზადაა.
UFC-იმ დღეს ლობოვსა და ტუხუგოვს შორის გასამარტი შეხვედრა გააუქმა. დიდი ალბათობით, ტუხუგოვს, რომელიც ხაბიბის გუნდის წევრია, UFC-იდან სამუდამოდ მოკვეთენ. ამ შემთხვევაში, ნურმაგომედოვი მზადაა ჩეჩენ თანაგუნდელს გვერდით დაუდგეს და ორგანიზაცია მანაც დატოვოს.
“მინდა UFC-ის მივმართო. რატომ არავინ დასაჯეთ მაშინ, როცა ისინი ჩემს ავტობუსს თავს დაესხნენ და რამდენიმე ადამიანს ტრავმა მიაყენეს? მათ იქ ვიღაცის მოკვლაც შეეძლოთ. რატო არ ამბობთ არაფერს მაშინ, როცა ისინი ჩემს სამშობლოს, რელიგიას, ეროვნებას და ოჯახს შეურაცხყოფას აყენებენ?
რატომ სჯით ჩემს გუნდს, როცა ორივე გუნდმა იჩხუბა? თუ იმას ამბობთ, რომ ჩხუბი მე დავიწყე, ვერ დაგეთანხმებით, მე ის დავამათავრე, რაც მათ დაიწყეს.
რაც არ უნდა იყოს, მე დამსაჯეთ, ზუბაირა ტუხუგოვი არაფერ შუაშია. თუ ფიქობთ, როცა შეცდომას დაუშვებთ, გავჩუმდები, ცდებით. თქვენ ზუბაირას გასამართი შეხვედრა გააუქმეთ და გინდათ ის იმისათვის დასაჯოთ, რომ კონორს დაატყა. არ დაგავიწყდეთ, რომ სწორედ კონორი იყო ის, ვინც პირველად დაარტყა ჩემს ძმას, ნახეთ ვიდეო.
თუ მისი გარიცხვა გადაწყვიტეთ, უნდა იცოდეთ, რომ მეც დამკარგავთ. ჩვენ, რუსეთში ჩვენს ძმებს ბოლომდე გვერდით ვუდგავართ და მზად ვარ, ჩემი ძმის გამო, მოღვაწეობაც დავასრულო. თუ კვლავ მის გარიცხვაზე ფიქრობთ, არ დაგავიწდყეთ, რომ ჩვენს შორის გაწყვეტილი კონტრაქტი გამომიგზავნოთ.
და კიდევ ერთი რამ, შეგიძლიათ ჩემი ფული, რომლის გადმორიცხვაზეც უარს ამბობთ, თქვენთვის შეინახოთ. ჩვენ საკუთარ ღირსებას ვიცავთ და ეს ყველაზე მნიშვნელოვანია”, – აცხადებს ნურმაგომედოვი.
შეგახსენებთ, რომ კონორი-ხაბიბის ბრძოლის დასრულების შემდეგ ტუხუგოვი და ნურმაგომედოვის გუნდის სხვა წევრები ოქტაგონზე შეიჭრნენ და მაკგრეგორს ეჩხუბნენ.
