ობამეიანგი დემბელეს ქმედებებს ამართლებს

დორტმუნდის “ბორუსიას” გაბონელი ლიდერ, პიერ ემერიკ-ობამეიანგი დარწმუნებულია, რომ მისი ყოფილი თანაგუნდელი, უსმან დემბელე “ბარსელონაში” საკუთარ კვალს დატოვებს და იქ წარმატებების მიღწევა არ გაუჭირდება.

“მისმა ტრანსფერმა მთელი მსოფლიოს ყურადღება მიიპყრო. რამდენადაც მე ვიცი, კლუბებმა შეთანხმებას მარტივად მიაღწიეს. დორტმუნდის “ბორუსია” მას დარჩენას ვერ აიძულებდა, თუ “ბარსელონას” ამ ტრანსფერის განხორციელების სურვილი გააჩნდა.

მართალია, რომ მან თავისი ქმედებებით სიტუაცია უფრო გაამწვავა, მაგრამ მისი მაინც მესმის. ის ჩემი მეგობარია და მჯერა, რომ “ბარსელონაში” საკუთარი შესაძლებლობების დემონსტრირება არ გაუჭირდება.

მას უკვე ვესაუბრე და მითხრა, რომ ლაზარეთიდან ორ თვეში დაბრუნდებოდა. დემბელე საკმაოდ სწრაფად გადის ადაპტაციის პროცესს, რაც მას “ბარსელონაშიც” გამოადგება,” – აცხადებს ობამეიანგი.