ობი მიკელი ლუკაკუზე: “პრემიერლიგა ძალიან ძლიერია, იტალიაში თამაში კი 40 წლამდე შეიძლება”

ლონდონის “ჩელსის” ნახევარმცველი ჯონ ობი მიკელი თვლის, რომ ინგლისის პრემიერლიგა სიძლიერით იტალიის სერია A-ს ბევრად აღემატება. ნიგერიელის აზრით, სწორედ ამიტომ ვერ ბრწყინავს რომელუ ლუკაკუ “ჩელსიში” ისე, როგორც – მილანის “ინტერში”.

“პრემიერლიგა სულ სხვანაირი ლიგაა. ინგლისის ჩემპიონატი ძალიან ძლიერი, ძალიან სწრაფი ლიგაა, სერია A კი საკმაოდ ნელია. ინგლისის პრემიერლიგა ძალზედ ხარისხიანი ლიგაა. იტალიის ჩემპიონატთან შედარებით აქ ტემპი საკმაოდ მაღალია. იტალიაში თამაში 40 წლამდე შესაძლებელია, ინგლისში ასპარეზობა კი გაცილებით მეტ ძალისხმევას მოითხოვს”, – ციტირებს ობი მიკელის სიტყვებს Goal-ი.

როგორც ცნობილია, რომელუ ლუკაკუს “ინტერში” დაბრუნება სურს.