“ოკუპანტს ხელგაშლილი ვხვდებით, ისე დავუმეგობრდით, ვეღარც მოვუგებთ”

საქართველოს 7-კაცა ეროვნული ნაკრები 24 თებერვლიდან 1-ელ მარტამდე ქუთაისში შეკრებას რუსეთის 7-კაცა ნაკრებთან ერთად გაივლის.

საქართველოს რაგბის კავშირმა კლუბებს წერილი დაუგზავნა, რომ მორაგბეებს შეკრებაზე გაშვების უფლება მისცენ.

“მოიწვიეს ლიეტუვა, არ დახვდნენ, თქვეს რომ არ მოგვიწვევიაო, არ ეთამაშეს, არ გააცილეს, მერე თავხედები ეძახეს, ხურციძემ და კავშირმა. ახლა ვხედავთ, ჩამოდის რუსეთი, ერთად გაივლიან შეკრებას, ერთად ივარჯიშებენ, იცხოვრებენ, ერთად შეჭამენ. ჩვენ ვიცით, რომ რუსეთს ჰქონდა ფსიქოლოგიური ბარიერი, 17 წელია ვერ გვიგებენ, მაგრამ ისე დავუმეგობრდით, ესეც აღარ იქნება პრობლემა. პემზამ მოუგო ნაკრების ბაზაზე აწყობილ გუნდს, ცოტა ხანში აგერ რუსეთს ვეთამაშებით და ფსიქოლოგიური ბარიერი გადალახული ექნებათ და არ არის გამორიცხული მოგვიგონ, დამთავრდება მოგებების სერია. როცა სტრატეგიულ პარტნიორს ესე ცუდად ვექცევით, ოკუპანტს კი ხელებგაშლილი ვხვდებით. არ ვიცი, რატომ კეთდება ეს ყველაფერი და იქნებ ახსნას”, – განაცხადა ვეტერანმა მორაგბემ სიმონ მაისურაძემ.

27 თებერვალს, 18 საათზე, ბორჯღალოსნების ისტორიული, 250-ე თამაში გაიმართება, რომელშიც საქართველო რუსეთს დაუპირისპირდება დინამო არენაზე!