ოლივე ჟირუ: “ჩვენი თამაშით ნასიამოვნები ვართ”

ისლანდიის დამარცხებისა (5-2) და ნახევარფინალური ეტაპის საგზურის მოპოვების შემდეგ, საფრანგეთისა და “არსენალის” შემტევმა, ოლივიე ჟირუმ პრესასთან კომენტარი გააკეთა.

“ძალიან ნასიამოვნები ვართ, ხუთი გოლი გავიტანეთ. მიუხედავად იმისა, რომ ორი გავუშვით, ძალიან ვიმხიარულეთ. ჩვენი თამაშით ნასიამოვნები ვართ. მაქსიმალურად ვეცდებით, დაცვაში არსებული პრობლემები გერმანიასთან მატჩამდე აღმოვფრხვათ, რადგანაც გერმანელები ამდენს არ გვაპატიებენ.

ვართ თუ არა დარწმუნებულნი? არა, რადგანაც ისინი მსოფლიოს ჩემპიონები და ფავორიტები არიან. მაგრამ, მიუხედავად ამისა, ჩვენ დიდი სიამოვნებით დავწერთ კიდევ ერთ თავს ფრანგული ფეხბურთის ისტორიაში.

მატჩის სტარტიდან დავიწყეთ ბრძოლა. ეს სწორედ ის საკითხია, რომელშიც ჩემპიონატის დაწყებიდანვე გვქონდა პრობლემები.” – განაცხადა ოლივიე ჟირუმ, რომელმაც დუბლის გაფორმება მოახერხა.