ოლსენი: “აიაქსს” ჩემპიონთა ლიგის მოგება შეუძლია”

ამსტერდამის “აიაქსის” ყოფილ გარემარბს, ჯასპერ ოლსენს, სჯერა, რომ ჰოლანდიურ კლუბს მიმდინარე სეზონში ჩემპიონთა ლიგის მოგება შეუძლია. ოლსენმა ეს განცხადება მეოთხედფინალური ეტაპის პირველ მატჩამდე გააკეთა, სადაც “აიაქსის” მეტოქე ტურინის “იუვენტუსი” გახლავთ.

“შეუძლია თუ არა “აიაქსს” ჩემპიონთა ლიგის მოგება? რატომაც არა? ისინი იქ სწორედ ამისთვის არიან. მჯერა, რომ მათ ამის ძალა შესწევთ. გუნდი ახალგაზრდა ფეხბურთელებით არის დაკომპლექტებული და მათ არაფრის ეშინიათ.

ამ დონეზე ძალიან ბევრმა ფაქტორმა შეიძლება იმოქმედოს, მათ შორის გამართლებამაც. წარმატების მიღწევა ძალიან რთული, თუმცა ამავდროულად შესაძლებელიცაა.

“აიაქსში” ამდენი წელი ვთამაშობდი და ახლა, როდესაც ამ ახალგაზრდებს ვუყურებ, მეამაყება. ამ დონის პერფრომანსი მათთვის მათი შესრულებით მართლაც რომ ბრწყინვალე რამაა,” – აცხადებს ოლსენი.