<

ომი და მშვიდობა იტალიურ ფეხბურთში: ულტრასები და დაძმობილებული გუნდები

თარიღი: დეკემბერი 23, 2020
ულტრასული დაჯგუფება სპორტული გუნდის მხარდასაჭერად შექმნილ ქომაგთა ორგანიზებულ ჯგუფს ნიშნავს. მას საფუძველი 50-იანი წლების დასაწყისში ჩაეყარა და განვითარების პიკს 80-იან წლებში მიაღწია, როდესაც თითქმის ყველა საფეხბურთო კლუბს ჰყავდა ულტრასდაჯგუფება. ულტრასების ხსენებისას ხშირად ასოცირება ინგლისელ ხულიგნებთან ხდება, თუმცა ეს სტერეოტიპული წარმოდგენაა. მიუხედავად ამისა, ვერ უარვყოფთ იმ ფაქტს, რომ ულტრასდაჯგუფებებს შორის ძალადობა ხშირია, თუმცა ეს მათი არსებობის შედეგი უფრო არის, ვიდრე მიზანი.ულტრასები ძირითადად სტადიონის ქვედა იარუსზე, კარის მახლობელ სექტორებზე თავსდებიან და იქიდან ქომაგობენ თავიანთ გუნდს სხვადასხვა შეძახილებითა თუ სიმღერებით, ხშირად თვალსასეირო პერფორმანსებსაც დგამენ. ულტრასსამყაროში პოლიტიკაც ღრმად არის ფესვგადგმული. დაჯგუფებები ძირითადად მკვეთრად მემარცხენე ან მემარჯვენე მიმართულების პოლიტიკური იდეოლოგიის მატარებლები არიან და ხშირად ეს განსაზღვრავს სხვადასხვა გუნდების ფანკლუბების ერთმანეთთან დაახლოებას. ამასთან, მხოლოდ პოლიტიკა არ არის ორი ულტრასდაჯგუფების ერთმანეთთან დაძმობილების მიზეზი.

“ლაციო” და “ინტერი”
იტალიაში სხვადასხვა კლუბთა ულტრასდაჯგუფებებს შორის მეგობრობის ერთ-ერთი ყველაზე კარგი მაგალითია რომის “ლაციოსა” და მილანის “ინტერის” ფანთა შემთხვევა. “ლაციოს” ულტრასები ცნობილნი არიან თავიანთი მკვეთრად მემარჯვენე შეხედულებებით, მათთვის არც სვასტიკის დემონსტრირებაა უცხო. ამ გარემოების გამო ისინი “ინტერის” ულტრასებს დაუძმობილდნენ. მართალია, “ნერაძურის” ფანდაჯგუფება ასეთივე ექსტრემალური შეხედულებებით ცნობილი არ არის, თუმცა მათ გარკვეული კავშირი აქვს იტალიის სხვადასხვა მემარჯვენე ჯგუფებთან, მათ შორის “შავ გულთან”.

აღნიშნული გუნდების ულტრასები ხშირად კიდებენ ტრიბუნებზე ერთმანეთის მიმართ პატივსაცემ ბანერებს. პოსტერი წარწერით “Da sempre fieri del nostro gemellaggio alla nord di Milano rendiamo omaggio” (“ვამაყობთ და პატივს ვცემთ ჩვენს დაძმობილებას მილანის ჩრდილოეთთან”) ამის ერთ-ერთი მაგალითია.

ამ ორ კლუბს შორის კავშირი კარგად გამოჩნდა 2010 წელს გაჩაღებულ სკუდეტოსთვის ბრძოლაში. გათამაშების დასრულებამდე ორი ტურით ადრე “ლაციო” “ინტერს” მასპინძლობდა, რომელსაც საჩემპიონო რბოლაში მხოლოდ გამარჯვება აძლევდა ხელს. ტიტულისთვის ბრძოლაში მილანელთა უშუალო კონკურენტი “ლაციოს” თანაქალაქელი და პრინციპული მეტოქე “რომა” იყო, რომელიც ლიდერ “ინტერს” მხოლოდ ორი ქულით ჩამორჩებოდა. ის შეხვედრა “ლაციომ” თითქმის უბრძოლველად, ანგარიშით 0:2 დათმო და ორ კვირაში “ინტერმა” ისტორიაში მე-18 სკუდეტოს მოგება იზეიმა.

“მილანი” და “ბრეშა”
იტალიაში ერთ-ერთი ყველაზე ხანგრძლივი ძმობა “მილანსა” და “ბრეშას” აკავშირებთ. მათი დამეგობრება პოლიტიკურმა შეხედულებებმა განაპირობა და მიუხედავად იმისა, რომ “მილანის” ულტრასდაჯგუფებაში იდეოლოგია შეიცვალა, ამ კლუბების ფანებს შორის ძმობა გრძელდება. ისინი ხშირად სტუმრობენ ერთმანეთის სტადიონებს დაძმობილებული გუნდის გასამხნევებლად. აღსანიშნავია, რომ “ბრეშასთან” დამეგობრებამ “მილანს” ურთიერთობა გაუფუჭა ბერგამოს “ატალანტასთან”.

“ატალანტა” და “ტერნანა”
თავის მხრივ, “ატალანტას” ულტრასდაჯგუფება ნაკლებად ცნობილია. პოლიტიკური იდეოლოგიის თვალსაზრისით ისინი მემარცხენეები არიან და ეს გახდა მათი საფეხბურთო კლუბ “ტერნანას” ფანებთან დაძმობილების მიზეზი. ასე რომ, თუ “ატალანტას” ქომაგთა შორის “ტერნანას” წითელ-მწვანე ფორმასაც მოკრავთ თვალს, არ გაგიკვირდეთ.

“ფიორენტინა” და “ვერონა”
განსხვავებული პოლიტიკური იდეოლოგია არ არის ფანკლუბების დაძმობილებისთვის ხელის შემშლელი ფაქტორი, თუმცა ასეთი შემთხვევები იშვიათია. “ფიორენტინას” ულტრასები მემარცხენეები არიან, ხოლო “ვერონასი” – მემარჯვენეები. ამ განსხვავების მიუხედავად, მათ ერთმანეთთან საკმაოდ მყარი ურთიერთობა აკავშირებთ.

“ფიორენტინა” და “ტორინო”
ორი სხვადასხვა კლუბის ულტრასები შესაძლოა, საერთო მოძულე გუნდმა გააერთიანოს. მაგალითად, “ტორინოსა” და “ფიორენტინას” ფანები ერთმანეთთან “იუვენტუსის” სიძულვილმა დაამეგობრა. ამ გუნდების ულტრასები სტადიონზე ერთმანეთს თბილი შინაარსის ბანერებით ესალმებიან: “Il popolo Fiorentino saluta la vera Torino” (“ფლორენციელი ხალხი მიესალმება ნამდვილ ტურინს”).

მარტოხელა “იუვენტუსი”
“იუვენტუსი” იტალიაში გარკვეულწილად მარტოხელა კლუბია. “ბებერი სინიორას” ულტრასებს სხვა გუნდის ფანებთან ალიანსი არ შეუქმნიათ და ამას მრავალი მიზეზი აქვს, რომელთაგან ორია გამოსაყოფი: “იუვენტუსი” იტალიის მასშტაბით ყველაზე წარმატებული გუნდია და ეს სხვა გუნდის ფანებისთვის დამაბრკოლებელი ფაქტორია, ხოლო მეორე მიზეზად “კალჩოპოლის” სკანდალი უნდა მივიჩნიოთ. მართალია, “იუვენტუსმა” ძველი დიდება მალევე დაიბრუნა, თუმცა ტიტულების მოგებაზე რთული გატეხილი სახელის აღდგენა აღმოჩნდა. “იუვეს” ულტრასები მეგობრებს იტალიის გარეთ ეძებენ და ყველაზე მყარი კავშირი ნიდერლანდურ “დენ ჰააგის” ფანებთან აქვთ.

“პარმა” და “სამპდორია”
იტალიურ ფეხბურთში ერთმანეთთან დაძმობილების შედარებით ნაკლებად ცნობილი შემთხვევებია “პარმასა” და “სამპდორიას” ფანებისა და “ნაპოლისა” და “ჯენოას” ულტრასების მეგობრობა. “პარმასა” და “სამპდორიას” ფანების ძმობა ოც წელზე მეტს ითვლის. 2009 წლის კოპა იტალიის ფინალურ მატჩში გენუელთა საქომაგოდ “პარმას” ფანები რომში საგანგებოდ ჩავიდნენ კიდეც.

“ნაპოლი” და “ჯენოა”
“ნაპოლისა” და “ჯენოას” დამეგობრებას საფუძველი 1982 წელს ჩაეყარა. იმ სეზონის ბოლო ტურში გენუელებს სერია A-ში დასარჩენად კინკილა ქულა ჰყოფნიდათ, თუმცა “სან პაოლოზე” 0:1 მარცხდებოდნენ. საბოლოო ჯამში, ის შეხვედრა ფრედ, ანგარიშით 2:2 დასრულდა, “ჯენოამ” გადასარჩენად საჭირო ქულა მოიპოვა და სერია B-ში მის ნაცვლად “მილანი” დაქვეითდა. ამ ისტორიულმა მოვლენამ “ჯენოას” ულტრასების “ნაპოლის” ფანებთან დამეგობრება განაპირობა.

დარღვეული ძმობა
ყოფილა შემთხვევებიც, როდესაც ძლიერი და ერთი შეხედვით დაუშლელი ძმობა დარღვეულა. “ინტერისა” და “ვერონას” ულტრასთა მეგობრობა 80-იან წლებში დაიწყო და 2001 წლამდე გაგრძელდა. შემდეგ “ვერონას” ულტრასდაჯგუფების სათავეში ახალი ხალხი მოვიდა და “ინტერთან” “მეგობრობის ხელშეკრულებაც” გაუქმდა.

სხვადასხვა კლუბების ულტრასების ერთმანეთთან დამეგობრების შემთხვევები იტალიურ ფეხბურთს ლამაზ, რომანტიკულ ელფერს სძენს და ეს ისტორიები დასტურია იმისა, რომ ულტრასკონცეფცია უფრო მეტია, ვიდრე ხულიგნებთან ასოცირებული სტერეოტიპული შეხედულება.



მსგავსი სიახლეები
ფეხბურთი

“ნაპოლი” დროს უქმად არ კარგავს! ხვიჩას შესახებ სუპერ ინფორმაცია

მსოფლიო ჩემპიონატის მიმდინარეობისას “ნაპოლი” დროს უქმად არ კარგავს და ჩემპიონატის განახლებისთვის ემზადება. გარდა ამისა, “ნაპოლისR...
წაკითხვა
ფეხბურთი

“რეალი” “ნაპოლის” ვარსკვლავში 70 მილიონს იხდის

ესპანური პრესის ინფორმაციით, მადრიდის “რეალი” ახალ ნახევარმცველს ეძებს, რომელიც ტონი კროოსისა და ლუკა მოდრიჩის შეცვლას […]...
წაკითხვა
ფეხბურთი

დათო ტურაშვილი: “დღეს კვარაცხელია მარადონაზე მეტია”

დათო ტურაშვილმა გადაცემა “მე-17 სართულში” ხვიჩა კვარაცხელიაზე ისაუბრა. ტურაშვილი არველაძეებთან და ქართველ სტუდენტებთან ერთად ნეაპოლში [&he...
წაკითხვა
ფეხბურთი

პრაქტიკულად გადაწყდა: ხვიჩა კვარაცხელია 2023 წელს ითამაშებს

იტალიური მედიის ინფორმაციით, ხვიჩა კვარაცხელიამ გუნთან ერთად დღესაც არ ივარჯიშა და მხოლოდ თერაპიით შემოიფარგლა. “ნაპოლის” […]...
წაკითხვა
ფეხბურთი

მამუკა ჯუღელი: “ხვიჩას “ნაპოლიში” დარჩენა სურს”

ხვიჩა კვარაცხელიას აგენტმა მამუკა ჯუღელმა კვარას გეგმების შესახებ ისაუბრა. “ხვიჩას ჯერ “ნაპოლიში” თამაში სურს და […]...
წაკითხვა
ფეხბურთი

კვარა მეორე რეკორდზე მიდის! 50 მილიონი ევრო!

როგორც ცნობილია, ხვალ გერმანული Transfermarkt იტალიის ჩემპიონატის ფეხბურთელების სატრანსფერო ღირებულებებს განაახლებს. წინა ჯერზე, Fanebi.com პირველი [&...
წაკითხვა
ფეხბურთი

“დაანებეთ ხვიჩას თავი!” – “ნაპოლის” ფანები მოითხოვენ ხვიჩას

მას შემდეგ, რაც ხვიჩა კვარაცხელიას მანქანა მოპარეს, მის მიმართ ჟურნალისტების მხრიდან ინტერესი კიდევ უფრო გაიზარდა. […]...
წაკითხვა
ფეხბურთი

“კვლავ ტკივილი აწუხებს” – კვარაცხელია მუნდიალის შემდეგ დაბრუნდება

იტალიური მედიის ინფორმაციით, ხვიჩა კვარაცხელიას კვლავ წელის ტკივილი აწუხებს და მისი დაბრუნება, შესაძლოა, მუნდიალის შემდეგ […]...
წაკითხვა
ფეხბურთი

დეზინფორმაცია! – “კვარას მანქანა იტალიურმა მაფიამ დაუბრუნა”

სოციალურ ქსელში გარკვეულ საიტებზე და არხებზე აქტიურად ვრცელდება ინფორმაცია, რომ ხვიჩა კვარაცხელიას მოპარული მანქანის დაბრუნების […]...
წაკითხვა
ფეხბურთი

იტალიაში “ნაპოლის” აქტიურად “ებრძვიან” – როცა 2 ქურდობა ყველ

“ნაპოლიმ” სერია A-ში 13 მატჩი ჩაატარა და 11 მოიგო. ჩემპიონატს 35 ქულით ლიდერობს და უახლოეს […]...
წაკითხვა
ფეხბურთი

კვარაცხელია “ემპოლისთან” გამოირიცხა

სამშაბათს “ნაპოლი” სერია A-ს მორიგ ტურში “ემპოლის” მიიღებს, თუმცა ხვიჩა კვარაცხელიას თამაში პრაქტიკულად გამორიცხულია. იტალიური...
წაკითხვა
ფეხბურთი

“ნაპოლი” “ბარსელონას” ფეხბურთელს დაიმატებს?

“ნაპოლიმ”, შესაძლოა, კატალონიის “ბარსელონას” ესპანელი მარცხენა მცველი, ხორდი ალბა დაიმატოს. ალბა ჩავის გეგმებში აღარ ჯდება, [&...
წაკითხვა
ფეხბურთი

“კვარას ერთ დღეს მადრიდის “რეალში” ვიხილავთ”

ხვიჩა კვარაცხელიას ყოფილი მთავარი მწვრთნელი, იური სიომინი ქართველზე საუბრობს. “ახლა ხვიჩა ყველაფერს აკეთებს მისი სურვილის […]...
წაკითხვა
ფეხბურთი

ქართველებს ხვიჩა კვარაცხელიას ავტომობილი არ მოუპარავთ!

სოციალურ ქსელში და სხვადასხვა საიტებზე ვრცელდება ინფორმაცია, რომ ხვიჩა კვარაცხელიას მანქანა ქართველებმა მოიპარეს. მართალია, კვარაცხელიას […]...
წაკითხვა
ფეხბურთი

ვასილ უტკინი: “კვარასა და მარადონას შედარებას აზრი არ აქვს”

ცნობილი რუსი ჟურნალისტი ხვიჩა კვარაცხელიასა და მარადონას შედარებაზე წერს. “არ არსებობს რაიმე ენთუზიაზმი, რომელსაც კვარა […]...
წაკითხვა