ოფიციალურად: დუნგა ბრაზილიის ნაკრების თავკაცის პოსტიდან გაათავისუფლეს

კარლოს დუნგა ბრაზილიი ეროვნული ნაკრების მთავარი მწვრთნელის პოსტიდან გაათავისუფლეს. გარდა ამისა, დათხოვნილია სამწვრთნელო შტაბის ყველა წევრი. შეგახსენებთ, რომ “სელესაომ” მიმდინარე კოპა ამერიკის ჯგუფური ეტაპი ვერ დაძლია, რაც 1987 წლის შემდეგ პირველად მოხდა.

“ბრაზილიის ფეხბურთის კონფედერაცია ახალი სამწვრთნელო შტაბის ძიებას იწყებს. დუნგასა და მის თანაშემწეებს გაწეული მუშაობისთვის მადლობას ვუხდით”, – ნათქვამია ბრაზილიის ფეხბურთის კონფედერაციის მიერ გამოქვეყნებულ განცხადებაში.

52 წლის დუნგა “სელესაოს” მთავარი მწვრთნელის პოსტზე 2014 წლიდან მუშაობდა.