ოფიციალურად: გიორგი კვესელაძე “გლოსთერში” ითამაშებს!
![](https://fanebi.com/wp-content/uploads/2020/12/kveseladze.jpg)
საქართველოს ნაკრების წევრი, გიორგი კვესელაძე კარიერას ინგლისის პრემიერშიფში, “გლოსთერის” რიგებში გააგრძელებს. 23 წლის მორაგბე ინგლისში დეკემბრის ბოლომდე ჩავა და გუნდს შეუერთდება. აღსანიშნავია, რომ კვესელაძე პირველი ქართველი უკანახაზელია, რომელიც პრემიერშიპში ითამაშებს.
როგორც ცნობილია, “შემოდგომის” ერთა თასზე ბრწყინვალე თამაშის შემდეგ, როგორც შეტევაში ასევე დაცვაში, კვესელაძით რამდენიმე ევროპული კლუბი დაინტერესდა. საბოლოოდ, ის “გლოსთერის” ღირსებას დაიცავს.
“შემოდგომის ერთა თასის შემდეგ რამდენიმე შემოთავაზება მქონდა. ჩემმა აგენტმა “გლოსთერთან” დამაკავშირა, რამაც ძალიან გამახარა და 2-წლიან კონტრაქტს მოვაწერე ხელი. ვფიქრობ, ეს საუკეთესო გუნდია ჩემი განვითარებისთვის. დიდი ალბათობით, ახალ გუნდს შობამდე შევუერთდები. მათ მითხრეს, რომ ჭირდებათ ისეთი მოთამაშე, როგორიც ვიყავი „შემოდგომის ერთა თასზე”, – აცხადებს კვესელაძე.
“გლოსთერი” ერთ-ერთი უძველესი კლუბია. მისი ისტორია 147 წელს ითვლის და საშინაო თამაშებს „კინგსჰოლმ სთედიუმზე“ ატარებს, სადაც 2015 წლის მსოფლიო თასზე ბორჯღალოსნებსაც უთამაშიათ. ის ხუთჯერ დაეუფლა ინგლისის პრემიერშიფის ვერცხლის მედლებს და ორჯერ გახდა ჩელენჯ ქაფის გამარჯვებული.