ოფიციალურად: ჯიმი ტაბიძე რუსული “ურალის” ფეხბურთელია
ჯიმი ტაბიძე კარიერას რუსულ “ურალში” გააგრძელებს. ამის შესახებ აღნიშნული კლუბის ოფიციალური გვერდი იტყობინება.
“ურალი” სეზონის მეორე ნახევრისთვის სამზადისს კვიპროსში გადის. 20 წლის ქართველი მცველი, გუნდთან ერთად, სინჯებზე იმყოფებოდა. ტაბიძემ ორ ამხანაგურ შეხვედრაში მიიღო მონაწილეობა, რომელიც რუსებმა “უფისა” და “ზენიტ-2”-ის წინააღმდეგ გამართეს. საბოლოოდ, კლუბის ხელმძღვანელობამ ჯიმის გამოსვლა დადებითად შეაფასა და მასთან კონტრაქტი გაფორმა. ხელშეკრულების ხანგრძლივობა უცნობია.
აქვე გეტყვით, რომ ქართველი უკანახაზელის პროფელიონალური კარიერა 17 წლის ასაკში “საბურთალოში” დაიწყო. მან პირვველ სეზონში 18, ხოლო მეორეში 19 შეხვედრა ჩაატარა. იგი “ლივერპულსა” და “რეალშიც” იყო სინჯებზე. ხოლო, 2015 წელს ბელგიურ “გენტში” გადავიდა და მის მეორე გუნდში ასპარეზობდა. ტაბიძეს ეროვნული ნაკრების სხვადასხვა ასაკობრივ გუნდებში აქვს ნათამაშები. ხოლო, ვლადიმერ ვაისმა უზბეკეთთან და იორდანიასთან მატჩებშ გამოიძახა.
