ოფიციალურად: კარლო ანჩელოტი “ნაპოლის” მთავარი მწვრთნელია

ცოტა ხნის წინ დადასტურდა, რომ კარლო ანჩელოტი ნეაპოლის “ნაპოლის” მთავარი მწვრთნელის პოსტზე მაურიციო სარის ჩაანაცვლებს. ამ ინფორმაციას როგორც კლუბის, ასევე მწვრთნელის ოფიციალური გვერდებიდან ვიგებთ.

58 წლის იტალიელი, გასულ კვირას, რომში კლუბის პრეზიდენტს, აურელიო დე ლაურენტისს შეხვდა და, სავარაუდოდ, ყველაფერი იქ გადაწყდა. ანჩელოტიმ სამწლიან კონტრაქტს მოაწერა ხელი. ის ერთ სეზონში ექვს მილიონ ევროს მიიღებს.

გეტყვით, რომ აღნიშნული სპეციალისტი 2017 წლის სექტემბრიდან იყო უმუშევარი, ანუ მას შემდეგ, რაც მას მიუნხენის “ბაიერნის” მთავარი მწვრთნელის თანამდებობდა დაატოვებინეს. ამის შემდეგ, ანჩელოტის იტალიის ნაკრების მთავარი მწვრთნელობა შესთავაზეს, თუმცა, როგორც გავლენიანი გამოცემა, Sky Sport-ი იტყობინება, ამ წინადადების გარდა, მწვრთნელმა სერია ა-ს გუნდებსაც უთხრა უარი.