ოფიციალურად: ლა ლიგის თამაშები აშშ-სა და კანადაშიც გაიმართება

ლა ლიგის 2018/19 წლების სეზონში ისტორია დაიწერება – ლა ლიგამ შეთანხმება მიაღწია ამერიკულ მხარესთან. ესპანეთის ფეხბურთის ფედერაციამ Relevent-თან 15-წლიან კონტრაქტს მოაწერა ხელი, რომლის თანახმადაც, ლა ლიგის მატჩებს ამიერიდან აშშ და კანადა უმასპინძლებს.

ახლად შექმნილი ორგანიზაცია La Liga North America მიზნად ისახავს ჩრდილოეთ ამერიკის კონტინენტზე საფეხბურთო კულტურისა და ესპანური ფეხბურთის პოპულარიზაციას. აღსანიშნავია, რომ ამ კომპანიის სამმართველო პაკეტის ნაწილს გინესის თასის ორგანიზატორებიც ფლობენ.

როგორც ცნობილი ხდება, აშშ-სა და კანადის სტადიონები ძირითადად დიდ მატჩებს უმასპინძლებენ მადრიდის “რეალისა” და კატალონიური “ბარსელონას” მონაწილეობით.

როგორც უკვე აღვნიშნეთ, კანადასა და აშშ-ში 2018/19 წლების სეზონის ზოგიერთი მატჩიც გაიმართება.