ოფიციალურად: ლევანდოვსკიმ “ბაიერნთან” გაახანგრძლივა

მიუნხენის “ბაიერნი” ოფიციალურად ადასტურებს ინფორმაციას რობერტ ლევანდოვსკისთან კონტრაქტის 2021 წლამდე გახანგრძლივების თაობაზე.

შეგახსენებთ, რომ 28 წლის ექს-“ბორუსიელი” “ალიანს არენაზე” 2014 წელს გადაბარგდა. ბოლო დროს კი მისი გადაბირება რამდენიმე ევროპულმა გრანდმა სცადა, რასაც გერმანელებმა მალევე უპასუხეს (კონტრაქტის გახანგრძლივებით).

“მოხარული ვარ, რომ მოლაპარაკებებმა ამგვარი დასასრული ჰპოვა და კვლავ მომეცემა დრო “ბაიერნში” საკუთარი შესაძლებლობების წარმოსაჩენად.

ამ კლუბმა მე ყველაფერი მომცა, რაც ჩემი ოცნებების ასახდენად იყო საჭირო. წინ ახალი გამოწვევები გველის!” – განაცხადა პოლონელმა შემტევმა.

Not a bad early Christmas present for you #FCBayern fans, eh? ???????? #Lewandowski #FCBXmas pic.twitter.com/gIuaVJP8U4

— FC Bayern English (@FCBayernEN) December 13, 2016