ოფიციალურად: ობრანიაკი “ვერდერის” მოთამაშეა
![](https://fanebi.com/wp-content/uploads/2014/02/obraniak.jpg)
ფრანგული “ბორდოს” ნახევარმცველი ობრანიაკი კარიერას გერმანიაში გააგრძელებს.
პოლონეთის ეროვნული ნაკრების ფეხბურთელმა, გუშინ, ზამთრის სატრანსფერო ფანჯრის ბოლო დღეს, ბრემენის “ვერდერში” სამედიცინო შემოწმება წარმატებით გაიარა და კლუბის ხელმძღვანელობასთან ხელშეკრულება გააფორმა.
როგორც ცნობილია, 29 წლის მოთამაშემ გერმანულ კლუბთან სამწლინახევრიან კონტრაქტზე მოაწერა ხელი. მისმა სატრანსფერო ღირებულებამ კი ორი მილიონი ევრო შეადგინა.
აქვე გეტყვით იმასაც, რომ ლიგა 1-ის მიმდინარე სეზონში, ლუდოვიკ ობრანიაკმა “ბორდოს” მაისურით 21 მატჩის ჩატარება მოასწრო. მის ანგარიშზე ოთხი გატანილი ბურთი და ორჯერ გაკეთებული საგოლე გადაცემაა.
სანდრო საპანაძე