ოფიციალურად: საფრანგეთის ლიგა 1 დასრულებულად გამოცხადდა

საფრანგეთის ლიგა 1-ის 2019-2020 წლების სეზონი ვეღარ გაგრძელდება. ეს ინფორმაცია დღეს ქვეყნის პრემიერ მინისტრმა ედუარ ფილიპმა დაადასტურა. მან განაცხადა, რომ საფრანგეთში ყველა სპორტული აქტივობა სექტემბრამდე აღარ გაგრძელდება.

ფილიპის თქმით, ლიგა 1-ის განახლების შესაძლებლობა არ არსებობს. დასახელდება თუ არა რომელიმე კლუბი ჩემპიონად, უახლოეს ხანებში გახდება ცნობილი. ასევე, გასარკვევია, რომელი კლუბები იასპარეზებენ მომდევნო სეზონში ევროტურნირებზე.

“დიდი სპორტული ღონისძიებები სექტემბრამდე ვერ განახლდება. 2019-2020 წლის სეზონს ვეღარ დავაბრუნებთ”, – თქვა საფრანგეთის პრემიერ მინისტრმა.

ლიგა 1-ის დასრულებამდე რვა ტურია დარჩენილი. ჩემპიონატს “პარი სენ-ჟერმენი” 68 ქულით ლიდერობს და მეორე ადგილზე მყოფ “მარსელს” 12 ქულით უსწრებს.