ოფიციალურად: “შაპეკოენსე” კოპა სუდამერიკანას გამარჯვებულია
დღეს კონმებოლმა (სამხრეთ ამერიკის ფეხბურთის კონფედერაცია) “შაპეკოენსე” კოპა სუდამერიკანას გამარჯვებულად გამოაცხადა. შეგახსენებთ, რომ ტურნირის ფინალურ ორმატჩიან დაპირისპირებაში “შაპეკოენსე” კოლუმბიურ “ატლეტიკო ნასიონალს” უნდა შეხვედროდა, თუმცა თვითმფრინავმა, რომლითაც ბრაზილიური კლუბი ქალაქ მედელინში მიემგზავრებოდა, ავიაკატასტროფა განიცადა. ამ ტრაგიკული შემთხვევის შემდეგ “ატლეტიკო ნასიონალმა” სურვილი გამოთქვა, რომ “შაპეკოენსეს” ტურნირის ჩემპიონის სტატუსი ავტომატურად მიეღო.
“შაპეკოენსეს” კოპა სუდამერიკანას გამარჯვებულად გამოცხადდა და ჯილდოს სახით ორ მილიონ დოლარსაც მიიღებს. გარდა ამისა, კლუბი მომავალ სეზონში ლიბერტადორესის თასზე მიიღებს მონაწილეობას.
CONMEBOL otorga el título de Campeón de la #CopaSudamericana 2016 a Chapecoense: https://t.co/UTgU9ksznz pic.twitter.com/reUCoRUXQu
— CONMEBOL.com (@CONMEBOL) 5 December 2016
